Saýd Arabııasy Iemendegi hýsıtterdiń zymyran zaýyttaryna soqqy jasady
ASTANA. KAZINFORM — Saýd Arabııasy bastaǵan arab koalıtsııasy Iemendegi hýsıtterdiń ballıstıkalyq zymyran shyǵaratyn birneshe nysanyna soqqy bergen. Bul týraly koalıtsııanyń resmı ókili Týrkı ál-Malıkı málimdedi, dep habarlaıdy Kazinform agenttigi TASS-qa silteme jasap.
Onyń aıtýynsha, áýe soqqysynan ballıstıkalyq zymyrandar men olardyń bólshekterin qurastyratyn zaýyt qıraǵan.
Budan bólek, qatty zymyran otynyn óndiretin jáne aralastyratyn hımııa zaýyty da talqandalǵan.
Sondaı-aq ballıstıkalyq zymyrandarǵa arnalǵan elektrondyq júıelerdi qurastyratyn tseh joıylǵan.
Eske salaıyq, buǵan deıin hýsıtter Saýd Arabııasyndaǵy Saudi Aramco kompanııasynyń munaı nysandaryna ekinshi kún qatarynan soqqy jasaǵanyn málimdegen edi. Hýsıtter ókiliniń aıtýynsha, Abkaık qalasyndaǵy kásiporyndarǵa jasalǵan shabýyldan keıin órt shyqqan.