Saýd Arabııasy Iemen portyna soqqy jasady
ASTANA. KAZINFORM — Iemendegi zańdylyqty qalpyna keltirý koalıtsııasy Birikken kúshteriniń qolbasshylyǵy Iemenniń Ál-Mýkalla portynda sheteldik áskerı kómek tıelgen júkke shekteýli áýe shabýylyn jasady, dep habarlaıdy Saudi Press Agency.
— Senbi jáne jeksenbi kúnderi Fýdjeıra portynan Ál-Mýkalla portyna Koalıtsııanyń Birikken kúshteri qolbasshylyǵynyń ruqsatynsyz eki keme keldi. Baqylaý júıeleri óshirilgen kemeler portta Ońtústik ótpeli keńes kúshterine arnalǵan qarý-jaraq pen áskerı kólik quraldarynyń úlken júgin túsirdi. Bul áreketter beıbitshilik protsesi men beıbit kelisimge qol jetkizýge baǵyttalǵan kúsh-jigerdi óreskel buzý retinde baǵalandy, — delingen koalıtsııanyń resmı ókili Týrkı Ál-Malıkı málimdemesinde.
Ol Iemen úkimetiniń áskerı júkterdiń qaýip tóndiretinin eskere otyryp, beıbit turǵyndardyń qaýipsizdigin qamtamasyz etý týraly ótinishine jaýap retinde koalıtsııanyń áýe kúshteri shekteýli soqqy jasaǵanyn málimdedi.
SPA habarlaýynsha, koalıtsııanyń birikken kúshteri qolbasshylyǵy deeskalatsııa sharalaryn júzege asyrýdy jalǵastyrady jáne Iemenniń zańdy úkimeti men koalıtsııalyq kúshterdiń kelisiminsiz beriletin kez kelgen sheteldik áskerı kómekke tosqaýyl qoıady.
Budan buryn BUU bas hatshysy Antonıý Gýterrısh Iemende jaǵdaı ýshyǵyp, halyq aýyr zardap shegip otyrǵanyn aıtqan edi.