Saýd Arabııasy, Túrkııa jáne Pákistan shuǵyl áskerı kelissóz ótkizedi
ASTANA. KAZINFORM — Saýd Arabııasy, Túrkııa jáne Pákistan bas shtab bastyqtary Mekke birlesken qorǵanys kelisimine sáıkes, Koroldikke qoldaý kórsetýdi talqylaý úshin shuǵyl kezdesý ótkizýdi josparlap otyr, dep habarlaıdy Al Jazeera.
Bul sheshim Nıý-Iorkte úsh eldiń syrtqy ister mınıstrleriniń kezdesýinen keıin qabyldandy. Kelissóz ótetin kún men qoldaý sharalary jaıly aqparat áli naqtylanǵan joq.
Saýd Arabııasy, Túrkııa jáne Pákistan 7 tamyzda Mekke qalasynda birlesken qorǵanys kelisimine qol qoıǵan. Qujatqa sáıkes, úsh eldiń birine jasalǵan shabýyl kelisimniń barlyq tarapyna jasalǵan shabýyl dep sanalady.
Tamyz aıynyń sońynda taraptar Saýd Arabııasynda Kelisimniń hatshylyǵyn qurýǵa jáne áskerı yntymaqtastyqty keńeıtýge kelisti.
Iemendegi jaǵdaıdyń shıelenisýi jáne Saýd Arabııasynyń aýmaǵyna jasalǵan shabýyldarǵa baılanysty jańa keńes uıymdastyrý josparlanyp otyr. Al Jazeera arnasynyń habarlaýynsha, bir kún buryn Saýd Arabııasynyń áýe qorǵanys kúshteri Taıf pen ıAnbýǵa ushyrylǵan alty ballıstıkalyq zymyrandy ustap alǵanyn habarlaǵan.
Eske sala keteıik, Hýsıtter Saýd Arabııasynyń Iemenge 28 ret áýe soqqysyn jasaǵanyn málimdedi.
