Saýd Arabııasy sheteldikterge kapıtal naryǵyn ashady

ASTANA.KAZINFORM - Koroldik sheteldik ınvestorlardyń qor naryǵyna kirýine qoıylǵan shekteýlerdi alyp tastady, dep habarlaıdy Kazinfor agenttigi.

Kapıtal tartý jumystaryn alǵa jyljytý úshin Saýd Arabııasy osy jyldyń 1 aqpanynan bastap el tarıhyndaǵy eń iri qarjy naryǵyn yryqtandyrý bastamasyn júzege asyrdy.

Naqtyraq aıtqanda, Saýd Arabııasynyń Kapıtal naryqtary basqarmasy (SCA) bilikti sheteldik ınvestor (QFI) rejımin joıyp, barlyq sheteldik ınvestorlarǵa Tawadul qor bırjasynda saýdalanatyn aktsııalarǵa qol jetkizýge múmkindik beredi.

-Bekitilgen túzetýler QFI rejımin joıady jáne biliktilik talaptaryna saı kelmeı-aq barlyq sanattaǵy sheteldik ınvestorlar úshin naryqqa qol jetkizýdi qamtamasyz etedi,- dedi Saýd Arabııasynyń qarjy retteýshisi óz málimdemesinde.

Túzetýlerge deıin Tawadul bırjasynda saýdalanatyn aktsııalarǵa tek iri sheteldik ınvestorlar (basqarýy 500 mıllıon AQSh dollary bolatyn aktıvteri bar) ǵana qol jetkize alǵan.

Gulf News málimeti boıynsha, Tawadul qor ındeksiniń jalpy kórsetkishi ótken jyly 13%-ǵa tómendedi. Osyǵan baılanysty el bıligi sheteldik kapıtaldy tartý arqyly saýda belsendiligin arttyrýdy kózdep otyr.

Buǵan deıin Saýd Arabııasy bıylǵy jyldyń qańtar aıynan bastap sheteldikterge jyljymaıtyn múlik naryǵyn ashatyny habarlanǵan bolatyn.