Saýd Arabııasy Palestınaǵa 90 mıllıon dollar bóledi

ASTANA. KAZINFORM — Saýd Arabııasy Palestına bıligin qarjylandyrý úshin tótenshe halyqaralyq koalıtsııanyń qurylǵanyn jarııalady, dep habarlaıdy Aljazeera.

Nıý-Iorkte BUU Bas Assambleıasynyń 80-shi sessııasy aıasynda ótken baspasóz máslıhatynda Saýd Arabııasynyń Syrtqy ister mınıstri hanzada Feısal bın Farhan Ál Saýd koalıtsııa birqatar mańyzdy seriktestermen Palestına bıligine tikeleı qarjylyq qoldaý kórsetetinin aıtty.

Ol sondaı-aq Saýd Arabııasy kúsh salýǵa 90 mıllıon dollar bóletinin jetkizdi.

Aıta keteıik, buǵan deıin birqatar Batys elderi Palestınany resmı túrde moıyndaǵanyn jazdyq. 

Sondaı-aq Palestına halyqaralyq qaýymdastyqty Nıý-Iork deklaratsııasyn qoldaýǵa shaqyrdy.