Saýd Arabııasy munaıdy Qyzyl teńiz arqyly tasymaldaýdy qaıta bastady
ASTANA. KAZINFORM — Saýd Arabııasy Ormýz buǵazyn aınalyp ótetin balama baǵyt «Shyǵys–Batys» munaı qubyry arqyly munaı tasymaldaýdy qaıta bastady, dep habarlaıdy TASS.
Saudi Aramco memlekettik munaı kompanııasy shetel naryqtaryna jóneltý úshin munaı jóneltýdi bastaǵan. Ázirge qara altyn shekteýli kólemde tasymaldanyp jatyr.
Qubyrdyń jumysy qaıta jandanǵannan keıin Saýd Arabııasy Shyǵys provıntsııasyndaǵy munaı ken oryndarynan Qyzyl teńiz jaǵalaýyndaǵy ıAnbý portyna deıingi baǵytty paıdalana alady. Bul baǵyt Ormýz buǵazyn aınalyp ótýge múmkindik beredi.
Uzyndyǵy shamamen 1,2 myń shaqyrym bolatyn munaı qubyry táýligine 7 mln barrelge deıin munaı tasymaldaýǵa eseptelgen.
Buǵan deıin bul munaı qubyryna Iemendegi «Ansar Allah» qozǵalysy (hýsıtter) shabýyl jasaǵan bolatyn.
Eske sala keteıik, Ormýz buǵazy arqyly munaı jetkizýdiń irkilýi álemdik munaı naryǵyndaǵy táýekelderdi kúsheıtip, baǵa dınamıkasyna áser etti.
Bir kún buryn AQSh prezıdenti Donald Tramp amerıkalyq taraptyń Ormýz buǵazy arqyly rekordtyq kólemde munaı shyǵarǵanyn málimdedi.
