Saýd Arabııasy munaı óndirý kólemin táýligine 600 myń barrelge qysqartty
ASTANA. KAZINFORM - Irannyń shabýyldary saldarynan koroldiktegi birqatar energetıkalyq nysandardyń jumysy ýaqytsha toqtatyldy, dep habarlaıdy Kazinform agenttiginiń menshikti tilshisi.
Saýd Arabııasynyń energetıkalyq ınfraqurylymyna jasalǵan soqqylar munaı óndirý qýatyn táýligine 600 myń barrelge tómendetti.
– Eger shabýyldar jalǵasa berse, jetkizilim kólemi azaıyp, qalpyna kelý úderisi baıaýlaıdy. Bul óz kezeginde munaı naryǵyndaǵy qubylmalylyqty kúsheıtedi, óıtkeni tutynýshy elder úshin jetkizilim qaýipsizdigine áser etedi, – dep habarlady Al Jazeera saýdııalyq sheneýniktiń málimdemesine silteme jasap.
Aqparatqa sáıkes, 28 aqpannan beri ártúrli ýaqytta Saýd Arabııasynyń Er-Rııad qalasyndaǵy, Shyǵys provıntsııasy jáne ıAnbý ındýstrııalyq qalasyndaǵy munaı, gaz jáne energetıkalyq nysandar shabýylǵa ushyraǵan. Sonyń saldarynan bir adam qaza taýyp, birneshe adam jaralanǵan.
Buǵan deıin Qatar Irannan keltirilgen shyǵyn úshin ótemaqy talap etkeni habarlanǵan bolatyn.
