Saýd Arabııasy men AQSh arasyndaǵy kelisimder 557 mlrd dollardy qurady
ASTANA. KAZINFORM — Er-Rııad pen Vashıngton arasynda qol qoıylǵan kelisimderdiń jalpy kólemi 557 mıllıard dollardy qurady. Buny Saýd Arabııasynyń ınvestıtsııalar mınıstri Halıd bın Abdýlazız ál-Falıh habarlady.
Anadolý agenttigi jazǵandaı, «Ál-Ihbarııa» telearnasyna bergen suhbatynda ál-Falıh Vashıngtonda ótken AQSh — Saýd Arabııasy Investıtsııalyq forýmy aıasynda taraptardyń 242 ınvestıtsııalyq kelisimge qol qoıǵanyn atap ótti.
— Biz taraptar arasyndaǵy seriktestikti nyǵaıtý maqsatynda ártúrli sektorlarda kóptegen kelisim jasadyq. Qol qoıylǵan qujattardyń jalpy quny 557 mıllıard dollarǵa jetti, — dedi mınıstr.
Ál-Falıhtiń aıtýynsha, AQSh Saýd Arabııasyndaǵy eń iri sheteldik ınvestor sanalady. Ol osy jyl eki el arasyndaǵy ekonomıkalyq yntymaqtastyqty keńeıtýde mańyzdy kezeńge aınalatynyn atap ótti.
Mınıstr sondaı-aq tarıhy 90 jyldan astam ýaqytty qamtıtyn Saýd Arabııasy men AQSh arasyndaǵy qarym-qatynastardyń jahandyq úderisterine de eleýli yqpal etetinin aıtty.
Aıta keteıik, buǵan deıin AQSh prezıdenti Donald Tramp Saýd Arabııasynyń taq murageri Muhammed ben Salmandy Aq úıde saltanatpen qarsy alǵanyn jazdyq.
