Saýd Arabııasy Mekke mańynda hýsıtterdiń dronyn qaǵyp túsirgenin málimdedi
ASTANA. KAZINFORM — Saýd Arabııasy men Iemendegi hýsıtter arasyndaǵy jaǵdaı jańa áýe shabýyldarynan keıin ýshyǵyp, taraptar bir-birine ózara aıyp taǵyp otyr, dep habarlaıdy Kazinform agenttiginiń menshikti tilshisi.
Saýd Arabııasynyń áýe qorǵanysy Mekkeniń ońtústiginde drondy qaǵyp túsirdi. Ol Mekke aýmaǵyna kirýge tyıym salynǵan áýe keńistigine jetpeı joıylǵan. Bul týraly seısenbi kúni keshke Er-Rııad bastaǵan Iemendegi áskerı koalıtsııanyń ókili Týrkı ál-Malıkı málimdedi.
Onyń aıtýynsha, drondy hýsıtter ushyrǵan. Bul — olardyń Mekkege jasaǵan ekinshi shabýyly. Buǵan deıin 2017 jylǵy shildede hýsıtter qalaǵa ballıstıkalyq zymyran ushyrǵan edi. Seısenbide Saýd Arabııasynyń bıligi Mekke turǵyndaryna qaýip týraly eskertý jarııalady.
https://t.co/eiAoFDk0zj
— المتحدث الرسمي باسم قوات التحالف (@CJFCSpox) September 16, 2026
Ál-Malıkı ıslam dinindegi eki qasıetti meken men qajylardyń qaýipsizdigine qaýip tóndirýge jol berilmeıtinin atap ótti. Onyń aıtýynsha, koalıtsııa mundaı shabýyldardyń aldyn alyp, olardyń qaıtalanbaýy úshin qajetti sharalardy qabyldaýǵa daıyn.
Unusual footage from Mecca, Saudi Arabia: the video shows an airborne object over the city, reportedly a Houthi UAV. The incident follows alerts in Mecca and Jeddah amid escalating Houthi attacks against the kingdom. It is not yet clear whether the drone was intercepted or where it landed.
— DDF NEWS (@ddfmarketing1) September 16, 2026
Hýsıtter Mekkege shabýyl jasaýǵa árekettendi degen aıypty joqqa shyǵardy. Qozǵalystyń saıası bıýro múshesi Muhammed ál-Farah hýsıtter baqylaýyndaǵy SABA agenttigine bergen túsiniktemesinde bul aıyptaýlardy jalǵan dep atady. Al saıası bıýronyń taǵy bir múshesi Hızam ál-Asad Er-Rııad bul málimdemeler arqyly qoǵamdyq pikirge yqpal etýge tyrysyp otyr dep málimdedi.
Bul oqıǵa hýsıtter sońǵy aptada Saýd Arabııasyna birqatar shabýyl jasaǵanyn jarııalaǵannan keıin boldy.
Dúısenbide hýsıtter Hamıs-Mýshaıttaǵy korol Halıd atyndaǵy áýe bazasyna soqqy jasaǵanyn habarlady. Olardyń málimdeýinshe, bul Saýd Arabııasynyń Iemenge jasaǵan áýe shabýyldaryna qarymta soqqy bolǵan. Koalıtsııanyń málimdeýinshe, shabýyldan 13 beıbit turǵyn zardap shekken.
Hýsıtterdiń áskerı ókili ıAhıa Sarı Saýd Arabııasy avıatsııasy sońǵy aptada Iemenniń jeti provıntsııasyna 450-den astam soqqy jasaǵanyn aıtty. Onyń málimdeýinshe, shabýyldan beıbit turǵyndar da qaza bolǵan. Alaıda Sarı qaza tapqandardyń sanyn naqtylamady.
Qaqtyǵystardyń qaıta bastalýy Qyzyl teńizdegi keme qatynasyna tónetin qaýiptiń kúsheıýine ákeldi. Sońǵy kúnderi hýsıtter Bab-el-Mandeb buǵazy mańyndaǵy Iemenniń batys jaǵalaýynyń bir bóligin baqylaýyna aldy. Atalǵan buǵaz arqyly Ormýz buǵazyn aınalyp ótetin Saýd Arabııasynyń munaıy tasymaldanady.
Ótken aptadaǵy shabýyldardan keıin Saýd Arabııasynyń «Shyǵys — Batys» munaı qubyrynyń jumysyn toqtatýy munaı eksportyna qosymsha qysym túsirdi. Bul jeke shabýylǵa Er-Rııad Irandy qoldaıtyn Iraktaǵy qarýly topty jaýapty dep tanydy.
AQSh energetıka mınıstri Krıs Raıt 15 qyrkúıekte CNBC-ge bergen suhbatynda munaı qubyry arqyly tasymaldaý birneshe kún ishinde qaıta bastalýǵa tıis ekenin málimdedi.
Saýd Arabııasynyń bıligi ázirge qubyrdyń jumysy qashan qalpyna keletinin aıtqan joq. Naryq qatysýshylarynyń baǵalaýynsha, munaı tasymalynyń bul baǵyty kóp ýaqytqa toqtasa, álemdik munaı jetkizilimi 4%-ǵa deıin qysqarýy múmkin.
Buǵan deıin Hýsıtter Saýd Arabııasyndaǵy áýe bazasyna shabýyl jasaǵanyn málimdegenin habarlaǵan bolatynbyz.
Aqzat Jıenalına
