Saýd Arabııasy Magdebýrg bazaryndaǵy lańkestik áreketti aıyptady

ASTANA. KAZINFORM — Tıisti málimdemeni koroldiktiń syrtqy ister mınıstrligi jarııalady, dep jazady TASS.

Saýd Arabııasynyń bıligi Germanııanyń Magdebýrg qalasyndaǵy rojdestvolyq bazarda jasalǵan lańkestik áreketti aıyptap, Germanııa halqymen yntymaqtastyǵyn bildirdi.

— Syrtqy ister mınıstrligi Saýd Arabııasy Koroldiginiń Germanııa Federatıvti Respýblıkasyndaǵy Magdebýrg qalasynda bolǵan adamdardy qasaqana qaǵý oqıǵasyn aıyptaıtynyn bildirdi. Qaıǵyly oqıǵa saldarynan birneshe adam qaza taýyp, jaralandy, — delingen habarlamada.

Vedomstvo Saýd Arabııasy zorlyq-zombylyqtan bas tartady jáne «qaza tapqandardyń otbasylaryna, GFR úkimeti men halqyna zardap shekkenderdiń tezirek saýyǵyp ketýin tilep, shyn júrekten kóńil aıtatynyn atap ótti.

Eske salsaq, juma kúni keshke qara tústi BMW júrgizýshisi kólikti Magdebýrgtegi (Saksonııa-Anhalt federaldy shtaty) Rojdestvolyq bazarǵa ádeıi baǵyttap, birneshe adamdy qaqty. Bild gazetiniń habarlaýynsha, kem degende 11 adam qaza taýyp, 80-ge jýyq adam jaralanǵan, biraq resmı túrde tek eki ólim, onyń ishinde bir bala rastaldy. Saksonııa-Anhalt pen Magdebýrg bıligi bul oqıǵany terakt dep atady.

Keıinnen júrgizýshiniń ustalǵany habarlandy. Onyń 1974 jyly týǵan Saýd Arabııasynyń týmasy ekeni anyqtaldy.