Saýd Arabııasy kompanııasy Lýkoıldyń barlyq aktıvterin satyp alýy múmkin — Reuters

ASTANA. KAZINFORM – Saýd Arabııasynyń Midad Energy kompanııasy «Lýkoıldyń» sanktsııalanǵan aktıvterin satyp alý týraly aldyn ala kelisimge qol qoıdy. Mámile AQSh-ta retteýshilik ruqsatyn alǵan jaǵdaıda jasalady, dep habarlaıdy Reuters.

Atap ótilgendeı, qańtar aıynyń sońynda qol qoıylǵan kelisim «Lýkoıldyń» barlyq maqsatty aktıvterin qamtıdy. 

Midad aktıvterdi qolma-qol aqshaǵa satyp alýǵa jáne sonyń ishinde AQSh Qarjy mınıstrligin qosa alǵanda qajetti retteýshi ruqsattar alǵanǵa deıin olardy eskroý-shotqa ornalastyrýǵa kelisti. 

- Midad qajetti retteýshilik sáıkestikti qamtamasyz etý úshin jumys istep jatyr. Ótinim Saýd Arabııasymen tyǵyz saıası baılanystardyń arqasynda joǵary táýekeldi qadam retinde qarastyrylyp otyr – dep habarlady derekkóz Reuters-ke.

Kazinform redaktsııasy túsinik alý Midad Energy, «Lýkoıl» jáne «QazMunaıGaz» baspasóz qyzmetine úshin habarlasyp, jaýap kútip otyr. 

Eske sala ketsek, 29 qańtarda «Lýkoıl» amerıkalyq Carlyle ınvestıtsııalyq kompanııasymen LUKOIL International GmbH kompanııasyn («Lýkoıl» tobynyń halyqaralyq aktıvterine ıelik etetin «Lýkoıl» JAQ kompanııasynyń 100 % enshiles qoǵamy) satý týraly kelisimge kelgenin habarlady.

Osyǵan deıin QR Energetıka mınıstrligi AQSh-tyń Qarjy mınıstrligi janyndaǵy Sheteldik aktıvterdi baqylaý jónindegi basqarmasyna (OFAC) «Lýkoıl» kompanııasynyń Qazaqstandaǵy jobalarynyń úlesin satyp alýǵa qatysty hat joldaǵanyn jazǵan bolatynbyz.