Saýd Arabııasy kolanyń balama túrin jasap shyǵardy
ASTANA. KAZINFORM – Saýd Arabııasy dástúrli gazdalǵan sýsyndarǵa jańa balama – quramynda qanty joq Milaf Cola ónimin usyndy. Bul ónim eldegi damyp kele jatqan tamaq ónerkásibin qoldaýǵa jáne jergilikti jáne eksporttyq ónimderdiń túrlerin keńeıtýge arnalǵan.
AZERTADJ-dyń habarlaýynsha, Er-Rııadtaǵy qurma festıvalinde Milaf Cola-nyń resmı tusaýkeseri ótken. Sýsyndy Saýd Arabııasynyń jeke ınvestıtsııalyq qorynyń (PIF) enshiles uıymy Thurath Al Madina usynǵan. Kompanııa Milaf Cola-ny ishki jáne halyqaralyq naryqqa shyǵarýdy kózdep otyr.
Thurath Al Madina bas dırektory Bandar ál-Kahtanı bolashaqta qurmany álemdik naryqta qunarlylyǵy joǵary ónim retinde ilgeriletý úshin Qorshaǵan orta, sý jáne aýyl sharýashylyǵy mınıstrligimen birlese jumys isteıtin josparlary bar ekenin málimdedi.
Eldiń qurma óndirisi jylyna 1,6 mıllıon tonnany quraıdy. Bul ishki qajettilikterden asyp túsedi.
- Milaf Cola sergitetin sýsyn ǵana emes, sonymen qatar Saýd Arabııasynyń aýyl sharýashylyǵy ekonomıkasyn damytýǵa jáne qurmany paıdaly ónim retinde nasıhattaýǵa yqpalyn tıgizedi, - delingen habarda.