Saýd Arabııasy qajylyqqa arnalǵan halyqaralyq konferentsııa ótkizedi
ASTANA. KAZINFORM – 2026 jylǵy 8-11 qarasha aralyǵynda Jıdda qalasynda qajylyq máselelerine arnalǵan altynshy konferentsııa men kórme ótedi. Oǵan túrli elden memlekettik, jeke jáne kommertsııalyq emes sektorlardyń 520-dan astam uıymy qatysady. Bul týraly Kazinform agenttigi Saudi Press Agency-ge silteme jasap habarlaıdy.
Konferentsııa 2027 jylǵy qajylyq maýsymyna daıyndyq alańyna aınalady. Qatysýshylar uıymdastyrý jáne operatsııalyq máselelerdi, kelisimshart jasasýdy, seriktestikti damytýdy jáne qajylarǵa kórsetiletin qyzmet sapasyn arttyrýǵa baǵyttalǵan sheshimderdi engizýdi talqylaıdy.
Baǵdarlama 15-ten astam taqyryptyq baǵyt pen is-sharany qamtıdy. Olardyń qatarynda Qajylyq máseleleri jónindegi keńes jáne alǵash ret ótkiziletin aqparattandyrý men oqytý forýmy bar.
Sonymen qatar semınarlar, hakaton, kásipkerlik pen ınnovatsııalar aımaǵy, bıznes-ortalyq jáne tehnologııa, densaýlyq saqtaý, buqaralyq aqparat quraldary men avıatsııaǵa arnalǵan arnaıy alańdar uıymdastyrylady.
Konferentsııamen qatar 67 myń sharshy metrden astam aýmaqta kórme ótedi. Onda 150-den astam eldiń kompanııalary óz qyzmetteri men sheshimderin tanystyrady.
Kórme avıatsııa, kólik, qonaqúı bıznesi, densaýlyq saqtaý, ınfraqurylym, tehnologııa, ınvestıtsııa jáne qajylyqty uıymdastyrýǵa qatysty basqa da salalardyń ókilderin biriktiredi.
Aldyńǵy konferentsııa men kórmege 150-den astam elden 204 myńnan astam adam kelip, 270 kórme qatysýshysy tirkelgen. Іs-shara aıasynda 134 arnaıy sessııa men semınar ótkizilip, 2 600-den astam adam oqytý baǵdarlamalaryna qatysqan.
Buǵan deıin Saýd Arabııasy ýmra jasaýǵa arnalǵan kóp mártelik vıza engizgeni habarlanǵan bolatyn.
Sondaı-aq Qazaqstan musylmandary dinı basqarmasy 2027 jylǵy qajylyqty uıymdastyrý úshin tórt týroperatordy iriktep alǵany týraly jazǵan edik.
