Saýd Arabııasy qajylyq kezinde Mekkege kirýge jańa shekteýler engizdi

ASTANA. KAZINFORM – Saýd Arabııasy 29 sáýirden bastap qajylyq maýsymynda Mekke men Medınege kirýge qatań shekteý engizdi. Bul tyıym 10 maýsymǵa deıin, ıaǵnı qajylyq aıaqtalǵanǵa deıin jalǵasady, dep jazady Report.

Endi qasıetti oryndarǵa tek arnaıy qajylyq vızasy bar adamdar ǵana kire alady. Eldiń Іshki ister mınıstrligi habarlaǵandaı, ruqsatsyz qajylyq jasaýǵa tyrysqandarǵa nemese vızanyń basqa túrimen Mekkege kirmek bolǵandarǵa 20 myń saýd rıalyna (shamamen 5,3 myń AQSh dollary) deıin aıyppul salynady.

Sonymen qatar ruqsatsyz qajylyq jasaýǵa kómektesken nemese ondaı adamdarǵa vıza rásimdegenderge 100 myń rıalǵa deıin (26 myń AQSh dollary) aıyppul qarastyrylǵan.

Mekkege zańsyz kirmek bolǵan sheteldikter elden deportatsııalanyp, Saýd Arabııasyna 10 jylǵa deıin kirýge tyıym salynady. Al qajylyq ruqsaty joq adamdardy Mekkege jetkizgen kólikter tárkilenip, ıeleri sotqa tartylady.

Týrızm mınıstrligi qajylyq maýsymynda Mekkedegi qonaq úıler men jatyn oryndarǵa qajylyq ruqsaty joq adamdardy ornalastyrýǵa qatań tyıym salynǵanyn málimdedi.

Aıta keteıik, QR ІІM týrfırmalar arqyly umra men qajylyqqa barý kezinde qalaı alaıaqtyqtyń aldyn alýǵa bolatynyn aıtyp berdi.