Saýd Arabııasy qajylyq qarsańynda Mekkege kirýge qatysty jańa talaptardy jarııalady
ASTANA. KAZINFORM – Saýd Arabııasy Syrtqy ister mınıstrligi janyndaǵy Mekke ál-Mýkarrama óńirlik fılıaly qajylyq maýsymyna baılanysty birqatar mańyzdy shekteýler men talaptardy jarııalady.
QMDB málimetinshe qabyldanǵan sharalar qajylardyń qaýipsizdigin qamtamasyz etý jáne qulshylyqty tynysh ári rettelgen jaǵdaıda ótkizý maqsatynda engizilip otyr.
Negizgi talaptar:
- 2026 jylǵy 18 sáýirden 31 mamyrǵa deıin «Nusuk» platformasy arqyly ýmra ruqsattaryn berý ýaqytsha toqtatylady.
- 2026 jylǵy 18 sáýirden bastap Mekke qalasyna qajylyq vızasynan basqa barlyq vızalarmen kirýge jáne onda bolýǵa tyıym salynady.
Atalǵan talaptardy buzý Saýd Arabııasy zańnamasyna sáıkes jaýapkershilikke tartylatyny eskertildi.
— Saýd Arabııasynyń quzyrly organdary barlyq azamatty sonyń ishinde sheteldik azamattardy belgilengen tártipti qatań saqtaýǵa jáne qajylyq maýsymyn qaýipsiz ári uıymdasqan túrde ótkizýge shaqyrady, — delingen habarlamada.
Aıta ketelik elimizdiń 17 turǵyny qajylyqqa baram dep, alaıaqqa aldanyp qalǵan edi.
