Saýd Arabııasy Frantsııaǵa dızel otynyn jetkizý merzimin uzartýǵa kelisti
ASTANA. KAZINFORM — Saýd Arabııasy Frantsııaǵa dızel otynyn qosymsha jetkizýdi qajetti merzimge deıin jalǵastyrýǵa kelisti. Bul jónindegi kelisim Frantsııa prezıdenti Emmanıýel Makronnyń Er-Rııadqa sapary kezinde jasaldy, dep habarlaıdy Al Jazeera.
21 qazanda Frantsııa prezıdenti Saýd Arabııasynyń taq murageri ári premer-mınıstri Muhammed ben Salmanmen Ál-ıAmama saraıynda kezdesti.
Elıseı saraıynyń málimetinshe, Er-Rııad Frantsııanyń energetıkalyq qajettiligin qamtamasyz etý úshin dızel otynyn qosymsha jetkizýdi qajetti merzim boıy jalǵastyrýǵa kelisken. Alaıda jetkiziletin otynnyń naqty kólemi jarııalanǵan joq.
Kelissóz barysynda taraptar qaýipsizdik salasyndaǵy yntymaqtastyqty keńeıtý jáne Ormýz buǵazyna táýeldilikti azaıtýǵa baǵyttalǵan ınfraqurylymdyq jobalardy iske asyrý máseleleri boıynsha konsýltatsııalardy jalǵastyrýǵa ýaǵdalasty.
Frantsııa tarapynyń málimetinshe, Parıj Saýd Arabııasyna Qyzyl teńiz jaǵalaýyndaǵy ıAnbý portynda ornalasqan strategııalyq energetıkalyq ınfraqurylymdy qorǵaýǵa kómektesip jatyr. Bul nysanǵa Iemendegi «Ansar Allah» qozǵalysynyń (hýsıtter) shabýyldary jasalǵan.
Makronnyń sapary Iranmen qarýly qaqtyǵys pen Ormýz buǵazy arqyly keme qatynasynyń shektelýinen týyndaǵan energetıkalyq daǵdarys kezinde ótti. Frantsııada janarmaı baǵasynyń ósýi jappaı narazylyqtarǵa sebep bolǵan faktorlardyń biri sanalady.
Buǵan deıin Parsy shyǵanaǵy elderine sapary barysynda Frantsııa prezıdenti Birikken Arab Ámirlikteri men Bahreınnen qosymsha dızel otynyn jetkizý jóninde kelisimge kelgen edi. Ár el Frantsııaǵa aı saıyn shamamen 100 myń tonna otyn jetkizýge kelisken.
Al Jazeera málimetinshe, Saýd Arabııasynyń jetkizilimin qosqanda, Frantsııaǵa aı saıyn jetkizýge kepildik berilgen dızel otynynyń jalpy kólemi 295 myń tonnaǵa jetken. Bul eldiń aılyq tutyný kóleminiń 10 paıyzynan astamy.
Aıta keteıik, Frantsııadaǵy jappaı tártipsizdik shyǵyny 1,2 mlrd eýroǵa jetýi múmkin.
