Saýd Arabııasy Er-Rııadqa baǵyttalǵan eki zymyrandy atyp túsirdi

ASTANA. KAZINFORM — Saýd Arabııasy bastaǵan koalıtsııa koroldik astanasy Er-Rııadqa qaraı ushyrylǵan eki zymyrandy áýeden qaǵyp túsirdi. Zymyrandardy Iemendegi hýsıtter qozǵalysynyń ókilderi ushyrǵan. Bul týraly Reuters agenttigine silteme jasaǵan Report habarlady.

Saýd Arabııasy Er-Rııadqa baǵyttalǵan eki zymyrandy atyp túsirdi
Foto: Report

Agenttiktiń málimetinshe, zymyrandar Iemendegi «Ansar Allah» qozǵalysy tarapynan ushyrylǵan.

Oqıǵanyń ózge mán-jaıy, sonyń ishinde zymyrandardyń qaı jerden ushyrylǵany men olardy joıý kezinde keltirilgen zalal týraly ázirge aqparat jarııalanǵan joq.

Eske sala keteıik, Iemendik hýsıtter Saýd Arabııasyndaǵy Dammam jáne Djızan áýejaılaryna ushqyshsyz ushý apparattarymen shabýyl jasaǵanyn, sondaı-aq erte eskertý radary men áskerı-kólik ushaǵyna soqqy bergenin málimdegenin jazǵan edik.

Saýd Arabııasyndaǵy jaǵdaıǵa baılanysty Azııa kýbogi 2027 jyldyń sońyna shegerildi.