Saýd Arabııasy álem chempıonatyna bıletterdi tegin taratyp jatyr
ASTANA. KAZINFORM — Saýd Arabııasy Fýtbol federatsııasy AQSh-taǵy jankúıerlerine aldaǵy álem chempıonatynyń barlyq matchtaryna bıletterdi tegin taratatynyn málimdedi, dep habarlaıdy The Sun.
Bul sheshim Halyqaralyq fýtbol federatsııasynyń (FIFA) 11 maýsymda bastalyp, úsh el: AQSh, Meksıka jáne Kanadada ótetin álem chempıonatyna stadıon syıymdylyǵynyń azdyǵyna qatysty alańdaýshylyǵy aıasynda qabyldandy.
Saýd Arabııasy quramasynyń alǵashqy oıyny 16 maýsymda Maıamıde Ýrýgvaıǵa qarsy ótedi. Toptyq kezeńdegi bul kezdesýge bıletter shamamen 3 myń dollarǵa satylyp otyr, biraq satylmaǵan bıletter sany qazirdiń ózinde kóp.
FIFA osyǵan baılanysty bıletterdi tegin taratý shemasyn bekitti, bul stadıon syıymdylyǵyn arttyrýǵa jáne matchtardy jartylaı bos trıbýnalarda ótkizýden aýlaq bolýǵa múmkindik beredi.
Aıta ketý kerek, Saýd Arabııasy quramasy Halyqaralyq fýtbol federatsııasy reıtınginde 61-shi orynda tur.
Buǵan deıin FIFA bıylǵy ÁCh matchtary bıletteriniń jańa partııasyn satylymǵa shyǵarǵany týraly jazǵan bolatynbyz.
Sondaı-aq FIFA bıylǵy álem chempıonatynyń fınaldyq matchynyń bıletteri tarıhtaǵy eń joǵary baǵaǵa jetti. FIFA belgilegen jańa qun boıynsha eń qymbat bılettiń baǵasy — 10 990 dollar.
FIFA álem chempıonatynda tóreshilerdiń ókilettigin keńeıtpek ekenin jazdyq.
Buǵan deıin QR SІM fýtboldan Álem chempıonatyna baratyn qazaqstandyqtarǵa eskertý jasady.
