Saýd Arabııa bıligi qajylyqty sátti uıymdastyrǵanyn habarlady
ÁBÝ-DABI-MEKKE. QazAqparat - Saýd Arabııasynyń bıligi álemniń ár túpkirinen jyl saıyn qajylyqqa attanatyn adamdarǵa kórsetiletin qyzmettiń joǵary deńgeıde bolǵandyǵyn habarlady.
Mına ańǵary beısenbi, barlyq qajylyqqa kelýshiler Mekke men Mádınaǵa ketkende bosap qalǵandaı kórindi. Sársenbiden bastap qajylyqqa kelgender qajylyq rásimderin jasap, ekinshi kúni at-Tashrık kúnderin merekeleýge úılerine attanady.
Osy jyly Saý Arabııasy Koroldigi memlekettik sektorynan 300 myńnan astam adam jyl saıynǵy qajylyqty uıymdastyrýǵa tartyldy.
«Ál Mashaer» metrosynyń jerústi jelisine 1600 ret sapar shekti. Osy ýaqyt aralyǵynda Mekke men kıeli oryndar arasynda 300 myńnan astam adam aparyp-ákelindi. 16000 avtobýs jumys istedi. Mekke men kıeli oryndarda 18 mıllıon tekshe metrden astam zamzám sýy jáne bes mıllıon tabaq as berildi.
Saýd Arabııasy Densaýlyq saqtaý mınıstri Taýfık al-Rabııa qajylyqqa kelýshiler arasynda ınfektsııalyq karantındik aýrýlar tirkelmegenin habarlady. Onyń aıtýynsha Mekke men kıeli oryndarda 25 aýrýhana, qosymsha 5000-nan astam kereýetti qosqanda, 158 densaýlyq ortalyǵy uıymdastyryldy. Dúnıejúzilik densaýlyq saqtaý uıymy da ınfektsııalyq aýrýlardyń tirkelmegenin rastady.
Beısenbide «Saudi Arabian Airlines» (Saudia) avıakompanııasy qajylyqqa kelýshilerdi Koroldik ishinde tasymaldaý úshin reısterdi júzege asyra bastady. Alǵashqy reıs Al-Hofýf qalasyna bardy. Basqa reıster Er-Rııad, Dammam, Tabýk, Kasım jáne t.b. qalalaryna ushty.
Juma tańerteń Saudia Parsy shyǵanaǵy elderine ushyrylymyn bastaıdy. Senbide saýd tasymaldaýshysy álemniń ár bóligine 306456 jolaýshyny tasymaldaýdy bastaıdy.
