Saýat Myńbaev Memleket basshysyna Arystaǵy oqıǵa kezinde jolaýshylar tasymaly qalaı uıymdastyrylǵanyn baıandady

NUR-SULTAN. QazAqparat - Qazaqstan Prezıdenti Qasym-Jomart Toqaev «Qazaqstan temir joly» UQ» AQ basqarma tóraǵasy Saýat Myńbaevty qabyldady, dep habarlaıdy Aqordanyń resmı saıty.

Memleket basshysyna temir jol kóligi salasynyń qazirgi damý jaǵdaıy jáne keleshegi týraly aqparat berildi.

Qasym-Jomart Toqaev elimizdiń kólik-logıstıkalyq áleýetin arttyrý, eksport jáne tranzıt tasymaldaryn ulǵaıtý, kólik qyzmetiniń sapasyn jaqsartý qajettigine nazar aýdardy.

Saýat Myńbaev Túrkistan oblysy Arys qalasyndaǵy tótenshe jaǵdaı kezinde jolaýshylar men júk tasymaldaryn uıymdastyrý jónindegi qabyldanǵan sharalar týraly baıandady. Sonymen qatar, «QTJ» UQ» AQ basshysy konteınerlik tasymaldar salasyndaǵy jaǵdaı, jolaýshylarǵa qyzmet kórsetýdi jaqsartý úshin júrgizilip jatqan jumystar, operatsııalyq irkilisterdi azaıtý týraly málimet berdi.

Kezdesý qorytyndysy boıynsha Qazaqstan Prezıdenti birqatar naqty tapsyrma berdi.