Saýat Myńbaev qaýipsizdik beldigi sımýlıatoryn synaqtan ótkizip kórdi
«Trenajer qarapaıym prıntsıppen jumys isteıdi - adam júrgizýshi kreslosyna otyrady, beldikti taǵady, odan keıin tómen jyldamdyqpen (saǵatyna 10 km deıin) tosyn kedergige soǵylady. Uıymdastyrýshylardyń aıtýynsha, osyndaı testileýden keıin kópshiliktiń qaýipsizdik beldikterin paıdalanýǵa qatysty kózqarasy birden ózgeredi - soqqy kúshi qaterlerge kez kelgen erejeden artyq kóz jetkizedi», - delingen baspasóz baıanynda.
Tanystyrylym barysynda kompanııa basshysy Saýat Myńbaev alǵashqylardyń biri bolyp qaýipsizdik beldigi sımýlıatoryn tekserip kórdi. Sonymen qatar, áriptesteriniń aldynda sóz sóılegen «QazMunaıGaz» UK» AQ basqarma tóraǵasy Saýat Myńbaev atalǵan noý-haýdy kompanııanyń tehnologııalyq kórsetkishi retinde eseptep, qaýipsizdik jáne eńbekti qorǵaý salasyndaǵy jobalarǵa erekshe mán beretinin atap ótti.
Onyń aıtýynsha, ulttyq kompanııa men onyń merdiger kompanııalarynda júkterdi, sondaı-aq jolaýshylardy tasymaldaıtyn 20 myńnan astam avtokólik bar. «Іshki tekserýler men saýalnama derekteri boıynsha qaýipsizdik beldikterin paıdalanatyn kompanııa qyzmetkerleri 30 paıyzǵa da jetpeıdi. Tıisinshe qyzmetkerlerimizdiń birazy kún saıyn bastaryn qaýipke tigedi nemese aýyr jaraqat alady. Bul jaǵdaıdy sózsiz ózgertý kerek», - dedi Saýat Myńbaev.
«QazMunaıGaz» UK AQ Qaýipsizdikti qamtamasyz etý jáne eńbekti qorǵaý departamentiniń derekterine qaraǵanda, álemniń 52 eli arasynda jol-kólik oqıǵalarynda adam ólimi jıi oryn alatyn TMD elderi bolyp otyr. Al bul tizimniń ishinde Qazaqstan «kósh bastap» tur.
