Saýapty ister meshit salýmen shektelmeıdi - mınıstr Ermekbaev
«Elimizdegi kóptegen aýqatty bıznesmender «saýapty ister» jasaýǵa jıi nıet bildiredi. (...) Olardyń keıbireýi tek meshit salýdy ǵana «saýapty is» dep sanaıdy da, beıbereket meshit turǵyza bastaıdy. Árıne, qajettilik bar jerde meshit salynýy kerek. Biraq, din jolynda «saýapty is» jasaý úshin tek qana meshit salý mindetti emes. Mektepter, aýrýhanalar, jol salý, kópir salý sekildi qoǵamǵa paıdaly kez kelgen is saýapqa jatady», - dedi N.Ermekbaev Ortalyq kommýnıkatsııalar qyzmetinde ótken baspasóz máslıhatynda.
Mınıstr adamdardyń óz erkimen aqshalaı nemese múlikteı qaıyrymdylyq jasaı alatynyn, tek munyń barlyǵy órkenıetti jáne tıimdi jolǵa qoıylýy tıistigin basa aıtty.
«Metsenattardy tıisti jaǵdaımen, tıisti múmkindikpen qamtamasyz etý qajet. Eń bastysy qaıyrymdylyq sharalary ashyq jáne qoǵam úshin paıdaly bolýy kerek», - dep óz sózin túıindedi mınıstr.