Saýalnamaǵa sáıkes, AQSh azamattary qarý-jaraqpen ózderin qaýipsiz sezinedi

VAShINGTON. QazAqparat – «Shtattardyń is-áreketteri týraly kelisim» (Convention of States Action) qozǵalysynyń ulttyq saýalnamasyna qatysqandardyń 40 paıyzdan astamy halyqty jappaı atýdan qorǵaýdyń eń jaqsy tásili quqyq qorǵaý organdary emes, qarýly AQSh azamattary dep sanaıtynyn kórsetti, dep habarlaıdy QazAqparat tilshisi Breitbart News saıtyna silteme jasap.

«Jappaı atys bolǵan jaǵdaıda sizdi jáne sizdiń otbasyńyzdy kim qorǵaı alady?» degen suraqqa respondentterdiń 41,8 paıyzy qarýly azamattar dep jaýap berdi.

25,1 paıyzy quqyq qorǵaý organdaryna basymdyq bergen. 10,3 paıyzy federaldy agentterge daýys berdi.

22,8 paıyzy «joǵaryda atalǵandardyń eshqaısysy» degen jaýap nusqasyn belgilegen.

«Jergilikti quqyq qorǵaý organdary men memlekettik qyzmetkerler jábirleýshilerdi aldyn ala anyqtap, jolyn kesetinine qanshalyqty senimdisiz?» degen suraqqa respondentterdiń basym kópshiligi - 62,2 paıyzy atalǵan organdardyń qaskúnemderdi anyqtaıtynyna senbeıtinin málimdedi.

26,9 paıyzy quqyq qorǵaý organdaryna múlde senbeıtinin aıtty. Al 37,9 paıyzy polıtseılerdiń qyzmetine senim bildirdi.

Saýalnama 7-10 shilde aralyǵynda 1078 AQSh azamaty arasynda júrgizildi.

Foto: Tribune News Service via Getty Images