Saýalnamaǵa qatysyp 350 myń teńge utyp al – UEM resmı málimdeme jasady

NUR-SULTAN. QazAqparat – Elimizdiń Ulttyq ekonomıka mınıstrligi jalǵan habarlamalardyń taratylyp jatqany týraly eskertti, dep habarlaıdy QazAqparat tilshisi.

«8 qyrkúıekte túrli messendjerlerde Ulttyq ekonomıka mınıstrligi júrgizgen saýalnamaǵa qatysyp, 350 000 tengege ıe bolý týraly jalǵan habarlama taratylǵan. Ulttyq ekonomıka mınıstrliginiń baspasóz qyzmeti bul jalǵan aqparattyń mınıstrlikke esh qatysy joqtyǵyn resmı túrde habarlaıdy», - delingen vedomstvo taratqan aqparatta.

Ulttyq ekonomıka mınıstrligi shynaıy aqparattardy vedomstvonyń resmı resýrstarynan oqı alatyndyǵyn habarlaıdy.