Saýalnamaǵa qatysqan qazaqstandyqtardyń 99,9 paıyzynda úıinde teledıdar bar
NUR-SULTAN. QazAqparat – Qazaqstan Respýblıkasy Ulttyq statıstıka bıýrosynyń 2021 jyly 11,7 myń úı sharýashylyǵy arasynda júrgizgen saýalnamasyna sáıkes respondentterdiń 99,9 paıyzynda teledıdar bar, dep habarlaıdy QazAqparat Ranking.kz saıtyna silteme jasap.
Respondentterdiń 2,5%-ynda úı kınoteatry, radıoqabyldaǵysh — 4,5%, mýzykalyq ortalyq — 12,4%, spýtnıktik antenna — 30,1%, beınekamera — 4,2%, sandyq fotoapparat — 9,9%, noýtbýk — 52,8%, planshet — 19,3% boldy.
Atalǵan oıyn-saýyq taýarlarynyń ishinde aýyldyq jerlerde radıoqabyldaǵyshtarmen qamtamasyz etý qalalarǵa qaraǵanda joǵary boldy - 3,5%, ekinshi tarap 6,2%. Dál osyndaı jaǵdaı mýzyka ortalyqtar (11,3% qarsy 14,3%) jáne spýtnıktik antennalarda (12,4%/62,4%) baıqaldy.
2021 jyly eldiń úı sharýashylyqtary teledıdarlarmen joǵary deńgeıde qamtamasyz etildi: barlyq óńirlerde qamtamasyz etilý 100%-dy qurady. Úı kınoteatrlary kóbinese Pavlodar oblysynyń úı sharýashylyqtarynda (respondentterdiń 5,1%), Shyǵys Qazaqstan oblysynda (barlyǵy 0,5%) bar boldy.
Radıoqabyldaǵyshtar kóbinese Atyraý oblysynyń úı sharýashylyqtarynda (saýalnamaǵa qatysýshylardyń 12,1%) bar, eń az Shymkent qalasynda (0,4%) baıqaldy. Almatydaǵy otbasylarda kóbinese mýzykalyq ortalyqtar, beınekameralar, fotoapparattar, noýtbýkter men planshetter boldy, al Soltústik Qazaqstan oblysynyń turǵyndarynda spýtnıktik antennalar basym.
Aǵymdaǵy jyldyń maýsym aıynyń qorytyndysy boıynsha aýdıovızýaldy jáne fotoapparatýralardyń, sondaı-aq aqparatty óńdeýge arnalǵan jabdyqtardyń quny bir aıda 4,4%-ǵa, bir jylda 5,5%-ǵa ósti. Jyldyq dınamıka boıynsha kameralar birden 11,4%-ǵa, teledıdarlar – 6,7%-ǵa, noýtbýkter – 3,4%-ǵa, symsyz qulaqqaptar – 3,1%-ǵa qymbattady.
