Saýalnamaǵa qatysqan 10 myń stýdenttiń 86 % referendýmǵa baratynyn aıtqan

NUR-SULTAN. QazAqparat – Qazaqstan stýdentteri alıansy ótkizgen onlaın saýalnamaǵa qatysqan 10 myń stýdenttiń 86 % referendýmǵa baratynyn aıtqan, dep habarlaıdy QazAqparat tilshisi.

Bul týraly atalmysh alıans prezıdenti Іlııas Tústikbaev L.Gýmıev atyndaǵy Eýrazııa ulttyq ýnıversıtetinde ótken dóńgelek ústelde aıtty.

«Osy aıdyń basynda, referendým týraly alǵashqy túsindirý jumystaryn bastaǵan kezde joǵary oqý oryndarynyń, kolledjderdiń stýdentteri men oqytýshylaryn qamtımyz dep josparladyq. Ýnıversıtetter men joǵary oqý oryndarynda 1 mıllıondaı adam bilim alyp jatyr. Biraq olardyń bári 18-ge tolmaǵanyn eskerý kerek. Qazir búkil kolledjder men ýnıersıtetterde referendýmdy túsindirý jumystary júrgizilip boldy. Jasy 18-ge tolǵan 300 myń stýdent qamtyldy», - dedi ol.

Aıtýynsha, túsindirý jumystarynan keıin áleýmettik jeli arqyly onlaın saýalnama júrgizilgen.

«Áleýmettik jelidegi paraqshalarymyzda 70 myńdaı oqyrman bar. Kim referendýmdy qoldaıtynyn surap, saýalnama júrgizgenbiz. 80% referendýmǵa baratyndaryn, qoldaıtyndaryn aıtty. 70 myń oqyrmannyń 10 myńy saýalnamaǵa qatysqan bolatyn. Naqtyraq aıtsaq, 86%-y referendýmǵa baratynyn aıtyp daýys berse, shamamen 11-12% áli naqty sheshim qabyldamaǵanyn aıtty. ıAǵnı, bularǵa túsindirý jumystary jetpegen dep eseptedik. Nemese tolyq túsinip úlgermegen», - dedi Іlııas Tústikbaev.

Aıta keteıik, referendýmǵa baratyn qazaqstandyqtarǵa myna málimetterdi bilgeni abzal.