Saýalnama: Makronnyń partııasy parlament saılaýynda jeńiske jetýi múmkin
PARIJ. QazAqparat - Frantsııa prezıdenti Emmanýel Makronnyń «Alǵa, respýblıka» partııasy men onyń seriktesi «Demokratııalyq qozǵalys» 11 maýsym kúni ótetin parlament saılaýynyń birinshi kezeńinde kóp daýys jınaıtyndyǵy boljandy. Buǵan seısenbi kúni jarııalanǵan Ipsos/Sopra Steria saýalnamasy dálel, dep habarlaıdy «QazAqparat» HAA-nyń menshikti tilshisi.
Zertteý nátıjesine sáıkes, «Alǵa, respýblıka» men «Demokratııalyq qozǵalys» saılaýdyń birinshi kezeńinde 29,5% daýysqa ıe bolatyndyǵy. Konservatıvtik «Respýblıkashyldar» men onyń seriktesi «Demokrattar men táýelsizder odaǵy» 22% daýys, al Marın Le Penniń ýltraquqyqtyq «Ulttyq fronty» 18 % daýys jınaıdy dep kútilýde. Jan-Lıýk Melanshonnyń «Jeńilmeıtin Frantsııasy» 11,5%, al «Sotsıalıstik partııa» 9% daýysqa ıe bolýy yqtımal.
Osy saýalnamaǵa sáıkes, saılaýshylardyń 45 protsenti Makronnyń parlamentte bılik etýine qoldaý bildirmese, 28% respondent ony qoldaǵan.
Sondaı-aq saýalnama nátıjesine sáıkes, daýys berýshilerdiń 58 protsenti Emmanýel Makronnyń prezıdent retinde jasaǵan alǵashqy qadamdaryna «qanaǵattanarlyq» degen baǵa bergen.
