Saýalnama: Qazaqstandyqtar Joldaý týraly jan-jaqty habardar

ASTANA. QazAqparat - Jańa Joldaýdyń jarııalanýy elimizdiń jańa tarıhynyń mańyzdy datasymen sáıkes kelgeni sımvoldyq mánge ıe, degen pikir bildirdi QR Prezıdenti janyndaǵy Qazaqstan Strategııalyq zertteýler ınstıtýtynyń dırektory, áleýmettaný ǵylymdarynyń doktory Zarema Shaýkenova.

«Osydan týra jıyrma bir jyl buryn, 1997 jylǵy 10 qazanda Nursultan Nazarbaev Qazaqstan halqyna alǵashqy Joldaýy - Qazaqstan-2030 Strategııasyn jarııalaǵan bolatyn. Sodan beri Prezıdenttiń jyl saıynǵy joldaýlary - qoǵam nazarynda. Sotsıologııalyq saýalnamalardyń málimetteri qazaqstandyqtardyń Elbasy joldaýlary týraly joǵary deńgeıde habardar ekenin turaqty túrde kórsetip otyr. Sonymen qatar halyq Joldaýdaǵy Elbasy tapsyrmalarynyń mindetti túrde oryndalatynyna senim artyp, zor úmitpen kútedi. 

Prezıdenttiń árbir Joldaýy qashanda ózekti máselelerge arnalady. Olarǵa qarap kútiletin nátıjelerdi de baǵalaýǵa  bolady. Prezıdenttiń bul jolǵy Joldaýy da kókeıkesti áleýmettik máselelerge arnaldy.

Halyqtyń ál-aýqatyn turaqty túrde arttyryp otyrý, ómir súrý deńgeıi bizdiń basty maqsattarymyzdyń biri bolyp qalýda. Elbasy óz halqyna Joldaýynda ómir súrý sapasyn kóterý qajettigin qadap aıtty.

Ómir súrý sapasy - kúrdeli ári kópdeńgeıli uǵym. Ol densaýlyq, ómir súrý uzaqtyǵy, ekologııa, tamaqtaný, eńbek etý jaǵdaılary, turmystaǵy jaılylyq, múmkindigi shekteýli jandarǵa jasalǵan jaǵdaılar, áleýmettik orta, mádenı jáne rýhanı qajettilikterdiń ótelýi, otbasynyń ál-aýqaty, bilimniń, aqparattyń qoljetimdiligi, bos ýaqyt sııaqty kóptegen krıterııler negizinde ólshenedi.

Prezıdent Joldaýda qazaqstandyqtardyń ómir súrý sapasynyń joǵary deńgeıde bolýyn qamtamasyz etý qajettigine toqtalyp, oǵan jetýdiń naqty mindetterin belgilep berdi»,-deıdi Qazaqstan Strategııalyq zertteýler ınstıtýtynyń dırektory.