Saýalnama: Elorda turǵyndary analaryna ne syılaıtynyn aıtty
NUR-SULTAN. QazAqparat – Elorda ákimdiginiń Instagram-daǵy paraqshasynda elorda turǵyndarynyń 8 naýryzǵa arnalǵan erekshe quttyqtaýlary jarııalandy, dep habarlaıdy QazAqparat.
Vıdeoda ár jastaǵy túrli kásiptegi er azamattar, oqýshy men stýdentter elimizdiń názik jandaryna arnap óz quttyqtaýyn jetkizdi.
Sonymen qatar, erler anasyna qandaı syılyq jasaıtyndaryn da atap ótken. Olardyń biri átir men gúl syılaıtynyn, al keıbiri smart saǵat nemese altyn buıymdar alyp beretinin aıtqan.
«Qolymnan kelse, anama álemniń barlyq jaqsylyqtaryn syılar edim», - deıdi tilek bildirýshiniń biri.
Al kólik tizgindegen júrgizýshiniń biri merekege arnap áıeline qalaǵan zatyn alyp beretinin ýáde etti.
