Saýalnama: AQSh-ta Qytaıdy qaýip dep sanaıtyndar azaıǵan
ASTANA. KAZINFORM — AQSh-ta júrgizilgen sońǵy saýalnamaǵa sáıkes, amerıkalyqtardyń 57 paıyzy Qurama Shtattar Qytaımen dostyq qarym-qatynas ornatyp, yntymaqtastyq pen dıalogty jalǵastyrýy kerek dep sanaıdy.
Bul týraly Sınhýa agenttigi Chıkago jahandyq máseleler jónindegi keńesiniń (Chicago Council on Global Affairs) jańa esebine silteme jasap habarlady.
Zertteý nátıjesi amerıkalyq qoǵamda Qytaımen ózara is-qımyldy qoldaý úrdisi 2024 jyldan beri birtindep kúsheıip kele jatqanyn kórsetken.
Keńestiń 2025 jylǵy saýalnamasynda Qytaımen baılanystardy damytýǵa negizinen Demokratııalyq partııa jaqtastary kóbirek qoldaý bildirgen. Al bıylǵy zertteý Respýblıkalyq partııa jaqtastary arasynda da osyndaı kózqaras kúsheıgenin kórsetti.
Atap aıtqanda, respýblıkashyldar arasynda Qytaımen dostyq yntymaqtastyq pen ózara is-qımyldy qoldaıtyndardyń úlesi 2025 jylmen salystyrǵanda 10 paıyzdyq tarmaqqa ósip, 2019 jyldan bergi eń joǵary deńgeıge jetken.
Esep avtorlarynyń pikirinshe, amerıkalyqtardyń Qytaımen yntymaqtastyqty kóbirek qoldaı bastaýynyń negizgi sebepteriniń biri — Qytaıdy qaýip retinde qabyldaıtyn azamattar úlesiniń azaıýy.
Sonymen qatar 2021 jylmen salystyrǵanda, búginde Qytaıdyń álemdegi bedeli men yqpaly artyp keledi dep sanaıtyn amerıkalyqtar sany kóbeıgen.
Saýalnama bıyl 10-21 shilde aralyǵynda AQSh-tyń barlyq 50 shtaty men Vashıngton qalasynda júrgizilgen. Zertteýge 2156 kámeletke tolǵan azamat qatysqan.
Aıta keteıik, QHR tóraǵasy Sı Tszınpın 23-25 qyrkúıek aralyǵynda AQSh-qa memlekettik saparmen barady. Sapar barysynda ol AQSh Prezıdenti Donald Tramppen Qytaı-AQSh qatynastarynyń ózekti máselelerin talqylaıdy.
