Saýaldama: Ulybrıtanııanyń EO-dan shyǵýyna 43 paıyz brıtandyq daýys berýge ázir
ASTANA. QazAqparat - Aldaǵy ótetin referendýmda EO-da Birikken Koroldiktiń músheligin jalǵastyrýǵa 43 paıyz brıtandyq qarsy daýys berýge ázir. Bul týraly senbi kúni The Observer gazetine arnalyp júrgizilgen Opinium áleýmettik qyzmeti jarııalaǵan saýaldamasynda belgili boldy, dep málimdedi TASS.
Bul rette 39 paıyz repondentter Londonnyń Brıýsselmen qatynasyn úzbegenin qalaıdy. Áleýmettanýshylar sheshýshi daýys osy másele boıynsha áli ustanymyn aıqyndamaǵan 18 paıyz adamdarǵa baılanysty bolatynyn atap ótedi. 29 naýryz - 1sáýir aralyǵynda zertteýge barlyǵy 2 myńǵa jýyq adam qatysty.
Budan buryn qańtarda osy áleýmettik qyzmet osyndaı saýalnama júrgizgende EO-da brıtanııa músheligin saqtaýdy jaqtaýshylardan eýroskeptıkter azdaǵan artyqshylyqpen basym túsken edi - 40%-dan 41%. Áleýmettanýshylardyń aıtýynsha, Ulybrıtanııa turǵyndary EO-dan keletin mıgranttar aǵynynyń artýyna narazy.
Tórt talap
Brıtandyq premer-mınıstri Devıd Kemeron ótken jylǵy qarashada EO bıligine qoǵamdastyqty reformalaý boıynsha resmı túrde tórt talap usynǵan: ony mýltıvalıýtalyq odaq dep taný, onyń músheleriniń básekege qabilettiligin arttyrý, ulttyq parlament ókilettikterin keńeıtý jáne kóshi-qon zańnamasyn qatańdatý. Sońǵysy EO-dan Ulybrıtanııaǵa qaıta kelgen eńbek mıgranttary úshin áleýmettik jeńildikke qoljetimdilikti tórt jyl merzimge buǵattaýdy kózdeıdi. Birikken Koroldiktiń EO-daǵy odan ári músheligi máselesi boıynsha referendým 23 maýsymda ótedi.
