Satyp alynatyn dári-dármektiń 30% Qazaqstanda shyǵarylady
NUR-SULTAN. QazAqparat – Parlament Senatynyń áleýmettik damý jáne ǵylym komıteti músheleri dárilik zattar men medıtsınalyq buıymdarǵa jaýapty «SK-Farmatsııa» JShS basshylyǵymen kezdesý ótkizip, ózekti máselelerdi talqylady, dep habarlaıdy QazAqparat tilshisi.
Otyrysta «SK-Farmatsııa» JShS basqarma tóraǵasynyń mindetin atqarýshy Berik Shárip óz baıandamasynda seriktestiktiń 2009 jyly qurylǵanyn eske saldy.
Onyń aıtýynsha, biryńǵaı destrıbıýtor qyzmetin atqaratyn seriktestik ýákiletti organdar aıqyndaıtyn tizbe boıynsha eldi dárilik zattarmen, medıtsınalyq buıymdarmen úzdiksiz qamtamasyz etýge jaýapty.
Sondaı-aq, «SK-Farmatsııa» uzaq merzimdi jetkizý sharttaryn jasasý arqyly otandyq dárilik zattar men medıtsınalyq buıymdardy qoldap keledi. Odan bólek, kompanııa sheteldik óndirýshilermen tikeleı kelisimsharttar jasasyp, halyqaralyq uıymdarmen kelisip, dári-dármekti satyp alý boıynsha tender ótkizedi.
«2010 jyldan bastap tegin medıtsınalyq kómektiń kepildik berilgen kólemi aıasynda dárilik zattar men medıtsınalyq buıymdardy satyp alýǵa bólinetin qarajat 7 ese ósti. Áý basta dári-dármektiń 804 túri boıynsha jumys bastap, qazir satyp alynatyn dári-dármek pen medıtsınalyq buıymdar tizimin 1331-ge deıin jetkizdik. ıAǵnı, osydan on jyl buryn satyp alýǵa 31,3 mlrd teńge jumsalsa, 2020 jylǵa arnap 232 mlrd teńgeniń dári-dármegi men medıtsınalyq buıymy satylyp alynyp qoıdy. Jalpy, on elden dári-dármek satyp alamyz. Munda jalpy 30 paıyzdyq úles (52,2 mlrd teńge) – Qazaqstanǵa tıesili. Buryn otandyq úlestiń deńgeıi bar-joǵy 5 paıyzdan aspaıtyn. Sebebi, otandyq taýar óndirýshilerge qoldaý kerek», - dedi «SK-Farmatsııa» JShS basqarma tóraǵasynyń mindetin atqarýshy.
Berik Sháriptiń sózine sensek, biryńǵaı dıstrıbıýtor qurylǵan sátten bastap aqshany únemdeýge de basa mańyz berilip keledi. Onyń aıtýyna qaraǵanda, on jyldan beri eldi dári-dármekpen qamtamasyz etýde 124,3 mlrd teńge únemdelgen.
