«Satyp alý quqyǵymen jalǵa beriletin baspana» baǵytynda tıisti qadamdar jasaldy - «Qazaqstan ıpotekalyq kompanııasy»
Qazirgi kezde baǵdarlamany iske asyrý maqsatynda kompanııa «Qazaqstannyń turǵyn úı-qurylys kompanııasy» AQ jáne «Biryńǵaı tólem júıesi» JShS sııaqty enshiles uıymdardy qurdy. Olar jalǵa beriletin baspananyń qurylysshylarymen, qyzmet kórsetýshilermen jáne arendatorlarmen qajetti jumystardy atqarady.
«Satyp alý quqyǵymen jalǵa beriletin baspana» baǵytyn belgilengen merzimde ýaqytyly iske qosý boıynsha belsendi jumystardyń júrgizilýine baılanysty baǵdarlamany júzege asyrý kezeńinde «Qazaqstan ıpotekalyq kompanııasy» qurylysqa, baspanany paıdalanýǵa berýge negizdeledi.
Budan buryn habarlanǵandaı, «Qazaqstan ıpotekalyq kompanııasy» «Qoljetimdi baspana-2020» baǵdarlamasynyń aıasyndaǵy «Satyp alý quqyǵymen jalǵa beriletin baspana» baǵytynyń operatory bolyp tabylady. Qazirgi tańda kompanııa óńir ákimdikterimen jáne Qurylys jáne TKSh isteri jónindegi agenttikpen birlesip, jalǵa beriletin úıler salynatyn jer telimderin anyqtaý jáne enshiles kompanııalar qurý jónindegi jumystar júrgizýde», - delingen habarlamada.
«Qoljetimdi baspana-2020» baǵdarlamasyn iske asyrýdyń barysynda elimizdiń barlyq óńirinde shamamen 3 mln. sharshy metr jalǵa beriletin baspana salý josparlanýda, onyń ishinde 2014-2015 jyldary -250 myń sharshy metrge deıin, al 2016 jyldan bastap jyl saıyn 500 myń sharshy metrge deıin jalǵa beriletin baspana turǵyzylmaq.
