Satyp alǵan kez kelgen taýaryńyzdy dúkenge qaıtarýǵa bolady - departament
Onyń aıtýynsha, Almaty qalasynda ár sekýnd saıyn taýar satyp alynady, sonymen birge azamattar sapasy tómen taýarlarǵa, tipti keıde satýshy tarapynan aldaý áreketterine tap bolady.
Spıker atap ótkendeı, taýar-aqsha qatynastary aıasynda qolaısyz jaǵdaılar kóp kezdesedi.
Ádette dúkender men sýpermarketterde aqaýly taýarlardy esh qıyndyqsyz aýystyryp beredi nemese aqshasyn qaıtarady.
Munda eń bastysy - qolyńyzda taýarlyq nemese fıskaldyq chek bolýy kerek.
Sonymen qatar, ol «Tutynýshylardyń quqyqtaryn qorǵaý týraly» Zańǵa sáıkes sapasyz taýardy satyp alǵan jaǵdaıda, eger satýshy oǵan taýardaǵy kemshilikter jóninde aıtpaǵan jaǵdaıda, tutynýshy óz tańdaýy boıynsha mynany talap etýge quqyly ekenin atap ótti:
1) satyp alý baǵasyn mólsherine (sapasyna) qaraı kemitýdi;
2) taýardyń kemshilikterin óteýsiz joıýdy;
3) taýardyń kemshilikterin joıýǵa jumsaǵan óz shyǵystaryn óteýdi talap etýge quqyly;
4) uqsas markaly (modeldi, artıkýldi) taýarǵa aýystyrýǵa;
5) satyp alý baǵasyn tıisinshe qaıta esepteı otyryp, basqa markaly (modeldi, artıkýldi) sondaı taýarǵa aýystyrý;
6) shartty buzýǵa jáne taýar úshin tólengen aqshalaı somany qaıtarýdy talap etýge quqyly.
Kepildik merzimi ishinde ónimniń kemshilikterine baılanysty talaptardy qoıý qajet ekenin este ustaǵan jón.
Eger taýarǵa kepildik merzimi belgilenbese, kemshilikterge baılanysty talaptardy tutynýshy olar satylǵan taýarda satyp alynǵan kúnnen bastap eki jyl sheginde tabylǵan jaǵdaıda qoıa alady.
«Eger taýardy tekserý (saraptaý) nátıjesinde kemshilikter joq ekeni nemese taýardy tutynýshyǵa bergennen keıin onyń paıdalanýdyń, saqtaýdyń belgilengen qaǵıdalaryn buzýy saldarynan týyndaǵany anyqtalsa, tutynýshy satýshyǵa saraptama júrgizýge arnalǵan shyǵystardy, sondaı-aq taýardy tasymaldaýǵa arnalǵan shyǵystardy óteýge mindetti», -dedi Arman Aqsýbaev.
Bul rette tutynýshy sapany tekserýge jáne taýarǵa saraptama júrgizýge jeke ózi nemese óziniń ókili arqyly qatysýǵa, sondaı-aq taýardy óz esebinen tekserýge quqyly ekenin este saqtaý qajet.
Arman Aqsýbaev usynymdar retinde almatylyq tutynýshylarǵa sapasyz taýar satyp alǵan jaǵdaıda saýda ornynda óziniń bolǵanyn jáne satyp alǵanyn rastaý úshin sýretke túsirýdi usynady.
«Dúkenderde sýretke túsirýge tyıym salynbaıdy. Eger chek joǵalǵan nemese berilmegen bolsa, bul bolashaqta kómegin tıgizýi múmkin», - dep tolyqtyrdy departament basshysy.
