«Satylaı keshendi taldaý» tehnologııasy - álemdik bilim berý aıasyna enýdiń múmkindigi» atty respýblıkalyq forým ótedi
ASTANA. 16 mamyr. QazAqparat - 18 mamyr saǵat 10.00-de Astananyń kórnekti jerleriniń biri Oqýshylar saraıynda «Orazaqynova Nursha Aljanbaıqyzynyń «Satylaı keshendi taldaý» tehnologııasy-álemdik bilim berý aıasyna enýdiń múmkindigi» atty
respýblıkalyq forýmy ótedi. Bul týraly Oqýshylar saraıynyń baspasóz qyzmeti habarlaıdy.
Forýmnyń maqsaty: satylaı keshendi oqytýdyń roli men mańyzdylyǵyn ashyp, oqýshylarǵa bilimdi ǵylymı negizde satylaı, júıeli, keshendi meńgertip, olarǵa ulttyq qundylyqtardy baǵalaı, qoldana bilýge mashyqtandyrý.
Qazaqstan Bilim jáne ǵylym mınıstrligi, Abaı atyndaǵy QazUPÝ, QR Kishi Ǵylym Akademııasy jáne Astana qalasynyń Bilim basqarmasymen uıymdastyrylyp otyrǵan respýblıkalyq forýmǵa QR Bilim jáne ǵylym mınıstrliginiń Mektepke deıingi jáne orta bilim departamentiniń dırektory Jontaeva Jańyl Alpamysqyzy, QR Kishi ǵylym akademııasynyń Vıtse-prezıdenti, f-m. ǵ.k. Grışenko Valentına Fedorovna, Astana qalasy Bilim basqarmasynyń bastyǵy Bımendına Ásıma Temkeqyzy, QR Kishi ǵylym akademııasynyń vıtse-prezıdenti Grekova Natalıa Ivanovna, QR Kishi ǵylym akademııasynyń Almaty oblysy boıynsha dırektory Sársenbaeva Aıan Qydyrqojaqyzy qatysady.
Forýmda atalǵan tehnologııanyń avtory Nursha Orazaqynova - QR Kishi Ǵylym Akademııasynyń vıtse-prezıdenti, Abaı atyndaǵy QazUPÝ-diń qazaq tili teorııasy jáne ádistemesi kafedrasynyń meńgerýshisi, p.ǵ.d, professor satylaı keshendi taldaý - tehnologııasyn oqytýdaǵy mańyzdylyǵy men paıdasyn, qundylyǵyn ashady.
Forým barysynda bilim alýshylardyń N.A.Orazaqynovanyń «Satylaı keshendi taldaý» tehnologııasy boıynsha «Tilim meniń tirligimniń aıǵaǵy» atty XII Respýblıkalyq aýyzsha komandalyq olımpıadasy ótedi. Oǵan elimizdiń Astana, Almaty, Jambyl, Soltústik Qazaqstan, Qyzylorda, Atyraý, Oral oblystarynan kelgen oqýshylar men stýdentter komandalary qatysady.
