Satybaldy Dáýletalın: Kásipodaqtyń basty talaby - jumys oryndary men qaýipsiz eńbek jaǵdaıyn saqtaý
Ońtústik megapolıstiń iri avtokólik tasymaldaýshysy - 17 qalalyq qoǵamdyq baǵdarǵa qyzmet kórsetetin «ShymkentBUS» Basqarý kompanııasy» JShS kásipornynyń eńbek ujymymen kezdesý barysynda Satybaldy Dáýletalın kásiporyn basshylyǵy men kásipodaq uıymy ókilderiniń nazaryn jolaýshylardy tasymaldaý jáne kólikterge qyzmet kórsetý kezinde eńbek qaýipsizdigi sharalaryn qatań saqtaý qajettiligine aýdardy.
«Ókinishke qaraı, Qazaqstanda koronavırýs ınfektsııasy bar naýqastardyń sany kún saıyn artyp keledi. Túrkistan oblysy men Shymkent qalasynda jaǵymsyz kórinis baıqalýda. Búginde qyzmetkerlerdi jeke qorǵanys quraldarymen qamtamasyz etý jáne barlyq sanıtarlyq normalardy saqtaý birinshi kezekte bolýy kerek», - dep atap ótti Satybaldy Dáýletalın.
Kásiporynnyń avtobýs parkinde 300 avtobýs bar, kásiporynda 700 adam jumys isteıdi, onyń 440-y - kásiporynnyń bastaýysh kásipodaq uıymynyń músheleri.
«ShymkentBUS» JShS dırektorynyń mindetin atqarýshy Tuńǵyshbek Týǵanbekovtyń aıtýynsha, jýyq arada bastaýysh kásipodaq uıymyna kásiporynnyń 60 qyzmetkeri kirmek.
Respýblıkadaǵy tótenshe jaǵdaı kezinde COVID-19 pandemııasynyń alǵashqy eki aıynda 130-dan astam qyzmetker tólemsiz májbúrli demalysqa jiberildi.
Baǵdarlyq avtobýs júrgizýshisi Jubanysh Jumabekovtyń aıtýynsha, májbúrli demalysqa jiberilgen 70 qyzmetker memleketten 42 500 teńge kóleminde áleýmettik kómek alý kezinde máselege tap bolǵan.
«Bul máseleni QRKF múshe uıymy – «YNTYMAQ» salalyq kásipodaǵynyń aralasýynyń arqasynda sheshe aldyq», - dep atap ótti Jumabekov.
Kásiporynda aıtqandaı, búginde baǵdarlyq avtobýstardyń kópshiligi baǵytqa shyqty, ujym aýyspaly grafıkpen jumys isteıdi.
QRKF tóraǵasy S.Dáýletalınniń oblystyń kásipodaq aktıvimen kezdesýi barysynda áleýmettik áriptestik aıasyndaǵy áleýmettik-eńbek qatynastaryn damytý jáne Túrkistan oblysyndaǵy kásipodaqtar qozǵalysyn damytý basty áńgime taqyrybyna aınaldy.
Kásipodaqtar federatsııasynyń basshysy elimizdiń kásipodaqtaryndaǵy jumys oryndaryn saqtaý máselesiniń mańyzdy ról alatynyn atap ótti.
«Kásipodaqtardyń birinshi kezektegi mindeti - qıyn ekonomıkalyq kezeńde bosatylatyn jumysshylardyń quqyqtary men jumyspen qamtylý qajettiligin qorǵaý sharalaryn qabyldaý», - dep atap ótti S.Dáýletalın.
Eńbek mınıstrliginiń málimeti boıynsha, Túrkistan oblysyndaǵy 36 kásiporynda 1544 qyzmetker jalaqysy saqtalmaıtyn demalysta, 4 kásiporynda - 29 qyzmetker tolyq emes jumys kúnine aýystyrylǵan, 19 kásiporynda - 837 qyzmetker Eńbek kodeksiniń 112-babyna sáıkes bos turyp qalýǵa baılanysty eńbekaqysy saqtalyp, ýaqytsha jumys istemeıdi.
QRKF tóraǵasynyń aıtýynsha, jumys berýshi men jumysshylar arasynda ujymdyq sharttar jasalǵan kásiporyndarda qolaıly áleýmettik-eńbek qatynastary qalyptasyp, qarapaıym jumysshylardyń múddeleri men quqyqtary tıimdi qorǵalǵan. S.Dáýletalın keltirgen málimetter boıynsha Túrkistan oblysynda 4 864 ujymdyq shart jasaldy (jumys istep turǵan 6 939 kásiporyn), qamtý 70,1% quraıdy.
«Túrkistan oblysynda shaǵyn bıznes salasynda ujymdyq sharttarmen qamtý deńgeıi - 65,8%. Áleýmettik áriptester ujymdyq sharttardy bekitý jumysyn ózektendirýi tıis», - dep atap ótti QRKF basshysy.
Búgingi kúnge deıin QRKF quramyna kiretin Túrkistan oblysy men Shymkent qalasyndaǵy kásiporyndar men uıymdardyń 175 198 qyzmetkeri kásipodaqqa múshe bolsa, búgin olardyń qataryn Qazaqstan Respýblıkasy Kásipodaqtar federatsııasynyń basshysy Satybaldy Daýletalın jumys sapary barysynda barǵan «Jer syıy» JShS aýylsharýashylyq qurylymyndaǵy jańa bastaýysh kásipodaq uıymynyń músheleri tolyqtyrdy.
«Jer syıy» JShS – bir mıllıonǵa deıin jemis daqyldary men júzimniń tańdaýly kóshetterin óndiretin ońtústik Qazaqstannyń strategııalyq kóshettigi.
QRKF tóraǵasy Satybaldy Dáýletalın jumysshylardy kásiporynda kásipodaq uıymynyń ashylýymen quttyqtap, eńbekkerlerdiń negizgi kepilderin ujymdyq shartta bekitý mańyzyn atap ótti.
«Ujymdyq shart – áleýmettik áriptester – jumys berýshi men jumysshylar arasyndaǵy kásiporyndaǵy áleýmettik-eńbek qatynastarynyń negizi. Ujymdyq sharttyń normalary qanshalyqty tıimdi bolsa, jumysshylardyń quqyqtarynyń buzylý jaǵdaılary sonshalyqty az bolady», - dep atap ótti QRKF tóraǵasy.
Osy kúni QRKF basshysy Túrkistan oblysy Qazyǵurt aýdanyndaǵy jemis-kókónis ónimderi men dándi daqyldardy óndiretin «Amangeldi» JShS bastaýysh kásipodaq uıymynyń jumysymen tanysty. Kásiporynda 550 adam jumys isteıdi, onyń 250-i turaqty negizde eńbek etedi.
Satybaldy Dáýletalın kásiporynda qalyptasqan eńbek jaǵdaıyna oń baǵasyn berip, bastaýysh kásipodaq uıymynan bastap áleýmettik áriptester arasyndaǵy syndarly dıalogtyń mańyzyn atap ótti.
«Áleýmettik áriptesterdiń ózara kelisilgen is-qımyldarynyń arqasynda ǵana jumysshylardyń quqyǵy men múddesin qorǵaý isinde jáne jalpy kásiporyn qyzmetinde tabysqa qoljetkizýge bolady», - dep atap ótti QRKF basshysy.
QR Kásipodaqtar federatsııasy tóraǵasynyń Túrkistan oblysyna jumys sapary barysynda kásipodaqtar qozǵalysynyń ardagerleri de nazardan tys qalmady. Matematıka muǵalimi Rysalat Ahmetova 30 jyldan astam ýaqyt kásipodaqta jumys istegen. Jaqynda 80 jasqa toldy.
Satybaldy Dáýletalın Rysalat Safıbekqyzyna táýelsiz Qazaqstanda kásipodaqtar qozǵalysyn qalyptastyrý jáne damytý isine sińirgen eleýli eńbegi úshin alǵys aıtyp, «Kásipodaq ardageri» kásipodaq medalimen marapattady.
