Satybaldy Dáýletalın: Arzan eńbek ekonomıkamyzdy qurtyp jatyr
«Arzan eńbek ekonomıkany qurtyp jatqanyn ashyq aıtý kerek. Otbasyn asyraý úshin jumys kúnin tıimsiz orynda bosqa ótkizip júrgender kóp. Laıyqty eńbek arzan bola almaıtynyn bárimiz túsinetin kez jetti. Eńbek laıyqty baǵalanbasa, joqshylyq áýeli adam sanasynda ornaıdy. Saldarynan áleýmettik-ekonomıkalyq turǵydan qorǵalmaǵanyn ańdaǵan adamdar óz quqyqtary men múddesin qorǵaý úshin eń shetin sharalarǵa barýy múmkin», - dedi ol Eńbek jáne halyqty áleýmettik qorǵaý mınıstrliginiń keńeıtilgen alqa májilisinde.
Sondaı-aq ol jumysshy men jumys berýshiniń arasyndaǵy daýdy ereýilmen emes, erejemen sheshetindeı júıe qurý kerek degen pikir aıtty.
«Búginde jumysshylarǵa tabystyń ósimi jáne jumys berýshimen aradaǵy qatynasty quqyqtyq alańda sheshý múmkindigi qajet. Qazir memleketke de, kásipodaq qozǵalystaryna da órkenıetti eńbek naryǵyn qurý mańyzdy», - dedi federatsııa basshysy.
