Satýshyny pyshaqpen qorqytyp, dúken tonaǵan qostanaılyq ustaldy
QOSTANAI. QazAqparat – Qostanaı qalasy «Soltústik» polıtsııa bólimshesiniń qyzmetkerleri dúken tonaǵan kúdiktini qolǵa túsirdi. Bul týraly oblystyq polıtsııa departamentiniń baspasóz qyzmeti «Feısbýk» paraqshasynda jazdy, dep habarlaıdy QazAqparat tilshisi.
Oqıǵa 13 qańtar kúni Qostanaı qalasy Skladskoı kóshesindegi dúkenderdiń birinde bolǵan. Kúdikti pyshaq alyp shyǵyp, satýshyny qorqytqan. Osylaısha, ol saýdadan túsken 25 myń teńgeni alyp ketken. Jábirlenýshi birden polıtsııaǵa habar berdi.
«Jedel-tergeý toby oqıǵa ornynan kúdiktiniń pyshaǵyn tapty. Osy derek boıynsha Arqalyq qalasynyń 19 jastaǵy turǵyny ustaldy. Kúdiktide urlanǵan aqshanyń 7 myń teńgesi bolǵan. Ol buǵan deıin satyp alýshy retinde dúkenge birneshe ret kelgeni anyqtaldy. Qaskóılik áreketin dúken ishindegi adamdar shyǵyp ketken soń jasaǵan», - deıdi polıtsııanyń baspasóz qyzmetiniń mamany Kenje Qonysbaı.
Qazir osy fakt boıynsha sotaldy tergeý jumystary júrgizilýde.
