Satýshylar zańbuzýshylyqtardy óz erkimen joımasa, jaýapkershilikke tartylady
«Zań jobasy 7 zańnamalyq aktige, onyń ishinde 3 kodeks pen 4 zańǵa 200-ge jýyq túzetýlerdi engizýdi kózdeıdi. Olardyń negizgi baǵyttary: birinshiden, halyqqa tutynýshylar quqyǵyn qorǵaýdyń tutas jáne tıimdi júıesin qalyptastyrý; ekinshiden, ýákiletti organnyń, onyń ishinde tıisti salalarda tutynýshylar quqyǵyn qorǵaýdy júzege asyratyn memlekettik organdardyń qyzmetin úılestirý jónindegi rólin kúsheıtý; úshinshiden, úkimettik emes uıymdardy ınstıtýtsıonaldyq kúsheıtýge jáne tutynýshylardyń quqyqtaryn qorǵaýdyń kóp deńgeıli júıesine belsendi tartýǵa, sondaı-aq olardy qoldaý», - dedi «Qazaqstan Respýblıkasynyń keıbir zańnamalyq aktilerine tutynýshylar quqyǵyn qorǵaý máseleleri boıynsha ózgerister men tolyqtyrýlar engizý týraly» QR Zańynyń jobasyn tanystyrǵan mınıstr.
Onyń atap ótýinshe, zań jobasymen shaǵymdardy qaraýdyń úsh deńgeıli mehanızmi engiziledi. I deńgeıde satýshynyń shaǵymdy óz erkimen nemese daýlardy sotqa deıingi retteý sýbektileri arqyly qaraý kózdeledi. Atalǵan mehanızmdi zańnamalyq bekitýdiń negizgi maqsaty - buzylǵan quqyqtardy qalpyna keltirý, moraldyq jáne materıaldyq zalaldy «qazir jáne osynda» prıntsıpi boıynsha qysqa ýaqytta az shyǵynmen óteý. Bul rette tutynýshynyń qalaýymen daý sotqa deıin retteý aıasynda sheshiledi.
«II deńgeıde shaǵymdar ýákiletti organǵa jiberiledi. Satýshylar buzýshylyqtardy óz erkimen joıýdan bas tartqan jaǵdaıda ákimshilik jaýapkershilikke tartylady. III deńgeı – sotqa shaǵym berý. Sotqa deıingi retteý ınstıtýtynyń engizilgenin eskere otyryp, sottar tutynýshy men satýshy arasynda ózara tıimdi kelisimi joq daýlardy qaraıdy. Úsh deńgeıli mehanızmdi ret-retimen qoldaný sot organdaryna túsetin júktemeni tómendetýge alyp keledi dep oılaımyz», - dedi Baqyt Sultanov.
