Satýshyǵa aqshanyń ornyna qoltyraýyn bermek bolǵan
ASTANA. 18 jeltoqsan. QazAqparat - Florıda shtaty Maıamı qalasynyń turǵyny dúken satýshysyna aqsha ornyna qoltyraýyn bermek bolǵany úshin túrmege otyrýy yqtımal.
Ótken aptada 64 jastaǵy Fernando Agılera dúkenge kirip, bir jáshik syra satyp almaq bolǵan. Alaıda, satýshyǵa aqshasynyń joqtyǵyn aıtyp, ornyna 1,2 metrlik qoltyraýyn alýyn usynypty.
Shoshynǵan satýshy dereý tártip saqshylaryn shaqyrǵan. Oqıǵa ornyna kelip jetken polıtseıler Agıleranyń qolyndaǵy qoltyraýyndy bosatyp, oǵan zańsyz ań aýlaǵany úshin aıyp taqty. Endi ustalǵan azamat 500 dollar kóleminde aıyp tólep, jarty jyl bas bostandyǵynan aırylýy múmkin dep habarlaıdy ITAR-TASS.
Agıleranyń aıtýynsha, qoltyraýyndy jergilikti saıabaqtan taýyp alǵan. Ol joǵalyp bara jatqan ańdardyń tiziminde bolmaǵandyqtan ózimen birge alyp ketipti. Degenmen, Florıda shtatynda qoltyraýyndardy tek ańshylyq maýsymynda ǵana aýlaýǵa ruqsat etilgen, dep jazady BAQ.KZ.
