Satýǵa qoıylǵan polıtsııa kólikteriniń baǵasy 250 myńnan bastalady
ALMATY. QazAqparat - Almaty qarjy basqarmasy buryn polıtseılerge tıesili bolǵan avtokólikterdi satylymǵa shyǵardy, dep habarlaıdy QazAqparat tilshisi.
Avtokólikterdiń bastapqy baǵasy 250 myń teńgeni quraıdy, al olardyń jaǵdaıynyń qandaı ekenin gosreestr.kz elektrondy saýda alańynan bilýge bolady.
Satyp alýshylarǵa 2009-2011 jyldary shyǵarylǵan Daewoo Nexia, Volkswagen Santana Vista, GAZ «2705 14» markaly kólikter usynylady. Bulardyń baǵalary 250 myń teńgeden bastalyp, 400 myńǵa deıin barady.
Saýdaǵa qatysam deýshiler 37 529 teńge kóleminde kepildik tóleýi kerek. Bássaýda bıyl 11 shildede bastalady.
Bul avtokólikter buryn Almaty ІІD -ne tıesili bolǵan.
Bássaýda sharty boıynsha, avtokólik eń joǵary baǵa usynǵan qatysýshyǵa satylady.
Al bássaýda aıaqtalar ýaqytqa deıin baǵany eshkim kótermese, sońǵy tilek bildirgen adam jeńimpaz sanalady.
Aıta ketý kerek, bássaýda nátıjesi boıynsha satylǵan nysandarǵa hattama toltyrylyp, saýda nátıjesi satýshy men satyp alýshynyń elektrondy kiltin qoldaný arqyly reestr portalynda rastalady.
Budan ózge, satyp alý - satý sharty reestr portalynda elektrondy formatta bekitiledi. Saýda nátıjesi týraly hattamaǵa qol qoıylǵan kúnnen bastap 10 kúnniń ishinde shart ekijaqtyń elektrondy kiltimen rastalýy qajet.
