«Sátti qadam» jobasy aıasynda JOO túlekteri jumysqa tura alady

ASTANA. 24 shilde. QazAqparat - Búgin «Nur Otan» halyqtyq demokratııalyq partııasynyń «Jas Otan» jastar qanaty «Sátti qadam» dep atalatyn jańa jobany qolǵa alatyndyǵyn jarııalady.

Onyń aıasynda aǵymdaǵy jyly 300-ge jýyq ýnıversıtet túlekteri memlekettik organdar men iri ulttyq kompanııalarda tájirıbe jınaqtap, jumysqa tura alady.

«Jas Otan» jastar qanatynyń atqarýshy hatshysy Nurlan Sydyqovtyń aıtýynsha, ázirshe bul joba Astana jáne Almaty qalalarynda qolǵa alynbaq. «Búgin ol joba Astanada bastalsa, qyrkúıek aıynda Almatyda iske asatyn bolady. Al ótinishterdi qaraý barysynda eń aldymen oqýdy úzdik bitirgen túlekterdiń túıindemeleri iriktelip alynady», - deıdi N.Sydyqov. Astanada túıindemelerdi tapsyrý merzimi búginnen bastap tamyzdyń 15-sine deıin júrgiziledi. Tamyzdyń 15-25-si aralyǵynda barlyq qujattar qaralyp, túlekterdiń alǵashqy legi qyrkúıektiń 1-inen bastap taǵylymdamaǵa shyǵa alady. «Sátti qadam» jobasyna qatysty barlyq málimetterdi www.zhasotan.kz saıtynan nemese [phone] telefony arqyly alýǵa bolady.

Aıta keteıik, ázirshe «Sátti qadam» jobasyna 6 memlekettik organ jáne 8 ulttyq kompanııa qasylýǵa nıet bildirdi.