Sátsiz súndetteý: Pavlodarda balanyń zár shyǵarý, jynys músheleri zaqymdalǵan
Balanyń anasynyń aıtýynsha, olar balany 23 tamyzda oblystyq aýrýhanaǵa ákelgen. Qalypty sanalatyn protsedýra jospar boıynsha ótpegen: dáriger balanyń jynys múshesiniń úshten bir bóligin kesip alyp tastaǵan, zár shyǵarý kanaly zaqymdalǵan.
Ata-ana jaǵdaı týraly áleýmettik jelide jarııalady. Aıtýlarynsha, bólim meńgerýshisi dárigerdiń qateligin moıyndaǵan.
Al Densaýlyq saqtaý basqarmasy oqıǵanyń mán-jaıyna qatysty ázirge túsinik bere almaıtynyn málim etti. Atalǵan fakti boıynsha komıssııa qurylyp, qyzmettik tekserý bastalǵan. Al 5 jasar balany tájirıbeli dáriger súndettegeni belgili boldy.
«QR DSM Medıtsınalyq jáne farmatsevtıkalyq baqylaý komıteti Pavlodar oblystyq departamentine osy jaǵdaı boıynsha jospardan tys tekserý bastaý úshin hat joldandy. Osy otany jasaǵan mamannyń 13 jyldyq qyzmet ótili bar, sondaı-aq «Balalar hırýrgııasy» mamandyǵy boıynsha birinshi biliktilik deńgeıi bar. Qazirgi ýaqytta dáriger operatsııa jasaýdan shettetildi», - dedi densaýlyq saqtaý basqarmasynan.
Qazirgi ýaqytta bala Astanadaǵy Ana men bala ortalyǵynyń ýrologııa bóliminde em qabyldap jatyr. Onyń jaǵdaıyn dárigerler turaqty dep baǵalap otyr.
