Sátpaevta Shahter kúni atap ótilýde
Bul kúnderi qandaı is-sharalar ótip jatqanyn búgingi materıaldan oqı alasyzdar, dep habarlaıdy QazAqparat.
Merekelik is-sharalar jeksenbiden bastaldy. Mereke aldynda sátpaevtyqtardy qala ákimi Baýyrjan Baımuhanov pen «JTsM» ÓB dırektory Baýyrjan Baımuhanov quttyqtaǵan.
«Shahter kúni bizdiń qala úshin mańyzdy kásibı merekelerdiń biri. Ár otbasynyń shahtada nemese ashyq karerde jumys isteıtin jaqyn adamy nemese tanysy bar. Jyl ótken saıyn bul mamandyqtyń da tanymaldylyǵy artyp kele jatqanyn ýaqyttyń ózi kórsetip otyr. Qazirde ondaǵan otbasylyq áýlet urpaqtar sabaqtastyǵy arqyly jyldar boıy jınaqtaǵan tájirıbesin keıingi býynǵa úıretip keledi. Shahter mamandyǵy bizdiń óńirde óte qajetti ári mańyzdy mamandyq bolyp eseptelip kelgen jáne solaı bolyp qalady da. Sátpaev kenshileri «Qazaqmys» korporatsııasy ken óndirý kásiporyndarynyń tarıhynda óz esimin altyn árippen qaldyryp, ólsheýsiz eńbegimen este qalýda. Shahterdiń eńbegi áli de janqııarlyqtyń, óz kásibine adaldyqtyń úlgisi», - dedi qala basshysy.
Kenshiler alańynda sátpaevtyqtardy «MonArbat Kaırata Keı-Keı» syqaqshylarynyń kórmesi, fokýstar shoýy kútip tursa, amfıteatr sahnasynda Abdýlkarım Karımov, Qaırat Baekenov jáne «Format» toby sekildi estrada juldyzdary óner kórsetti.
«Mundaı sharalar Sátpaevta sońǵy ret pandemııaǵa deıin uıymdastyrylǵan. Osy eki jyl ishinde qala qatty ózgerdi. Pandemııa aıaqtalyp, kontsertterdiń qaıta uıymdastyryla bastaǵany jaqsy boldy. Búgin biz Shahterlar kúni kásibı merekesiniń arqasynda osy qalaǵa jınaldyq. Bir apta boıy osy merekeni toılap, shahterler men ken baıytýshylardy, barsha turǵyndy quttyqtaıtyn bolamyz», - dedi Abdýlkarım Karımov.
Sonymen birge «Juldyzben birge án aıt» dep atalatyn karaoke de barsha ánsúıer qaýymnyń nazaryna usynyldy. Odan bólek, osy mańda otty shoý uıymdastyryldy. Al kishkentaı qonaqtar úshin arnaıy mýltfılmder kórsetilimi qoıyldy.
Dúısenbi kúni tańerteń qalalyqtar Abdýlkarım Karımovpen birge tańǵy jattyǵý jasaý múmkindigine ıe boldy. Jastarǵa egde jastaǵy belsendi azamattar da qosyldy.
«Ózińdi qolǵa alýdy áıteýir bir kúni bastaý kerek qoı. Buǵan deıin túrli syltaý aıtyp, keıinge shegerip júr edim. Al qazir kásibı jattyqtyrýshylarmen birige otyryp, Kenshiler alańynda bir apta boıy ár tań saıyn tańǵy jattyǵýǵa kelmekpin. Osylaısha ózimdi tańymdy jattyǵýdan bastaýǵa úıretýdi josparlap otyrmyn», - deıdi qala turǵyny Irına.
Al keshke Sátpaev turǵyndary qazaqstandyq estrada juldyzdarynyń oryndaýynda Batyrdyń ánderin tyńdap, ashyq aspan astynda kompozıtor Jaqsygeldi Seıilov týraly túsirilgen «Nege solaı» fılmin tamashalady.
Merekelik apta 27 tamyz kúni qazaqstandyq estrada juldyzdarynyń qatysymen ótetin Gala-kontsertpen aıaqtalmaq.
