Sátpaevta qala kúni qarsańynda 70 myńynshy turǵyn dúnıege keldi

NUR-SULTAN. QazAqparat - Sátpaevta qala kúni atalyp ótti. Kópbalaly otbasylarǵa páter kiltteri tabystaldy. Qala kúni qarsańynda osy jyldyń myńynshy sábıi dúnıege keldi, al merekege deıin 70 myńynshy sátbaevtyq turǵyn týdy. Búgingi kúni qala halqy 70 121 adamdy quraıdy, dep habarlaıdy oblystyq ákimdiktiń baspasóz qyzmeti.

Saltanat Qanysh Sátpaev eskertkishine gúl shoqtaryn qoıýdan bastaldy. Odan keıin alańda ártister «Qanyshtyń kalasynda án salamyn barshańa» atty kontserttik baǵdarlamamen óner kórsetti.

- Qala kúni biz úshin eń súıikti jáne jyly merekelerdiń biri boldy. Bizdiń árqaısymyz úshin óz Sátpaev erekshe jyly. Bireý osynda dúnıege kelgen jáne ósken, bireý óz taǵdyryn taýyp, bireý osynda kóship kelgen. Ózgerissiz qalyp otyrǵan bir ǵana jaıt – barlyǵymyz Sátpaevti jaqsy kóremiz, kún saıyn qala shejiresine óz esimimizdi qaldyrý úshin, shahardyń ómiri men onyń bolashaǵy úshin úlesimizdi qosýdamyz. Ózderińiz kórip otyrǵandaı, bizdiń qala jyldan-jylǵa artyp keledi, sońǵy 3 jyl biz úshin jemisti boldy, bútin shaǵyn aýdandar, joldar men aýlalar qalypqa keltirildi, - dep quttyqtady Satpaev turǵyndlaryn qala ákimi Asqar Ydyrysov.

Qala basshysy atap ótkendeı, qazir mańyzdy baǵyttardyń biri kóp balaly jáne az qamtylǵan otbasylardy qoldaý bolyp tabylady. Muqtaj jandarǵa tek bılik qana emes, sonymen qatar «Qazaqmys» júıe quraýshy korporatsııasy, kásipkerler men metsenattar kómektesedi.

- Bıyl 19 kóp balaly otbasy páter aldy. Búgin, qala kúni merekesinde taǵy jeti otbasyna páter kiltterin tapsyramyz, - dedi qala ákimi.

Sonymen qatar, metsenattar áleýmettik qorǵalatyn sanattardaǵy 13 otbasyna aqshalaı sertıfıkattar tabys etti.

Qala kúnine oraı Qanysh Sátpaevtyń 120 jyldyǵyna arnalǵan «Júrekterde janǵan juldyz» kitabynyń tusaýkeseri ótti. Dostyq úıinde jurtshylyq pen oqyrmandar jınaldy.

Qala kúninde turǵyndar aldynda qazaqstan estrada juldyzdary án shyrqady. Mereke otshashýmen aıaqtaldy.

Qalanyń paıda bolýyna Q. Sátpaev júrgizip jatqan keń geologııalyq barlaý jumystary sebep boldy, ol aımaqtaǵy mys keniniń iri shoǵyryn ashty. 30-shy jyldardyń basynda №№ 31 jáne 32 alǵashqy shahtalar, Pokro jáne Petro paıda boldy. Annensk jáne Kargın karerlerindegi ken oryndaryn ıgerý bastaldy, Nıkolskıı jáne Belovskıı karerleri iske qosyldy.

1973 jyly Nıkolskıı jumysshy kenti qala mártebesin aldy. 1990 jyldyń 13 qyrkúıeginde Nıkolskıı qalasy Sátpaev dep ataldy.