Sátpaev polıtsııasy basshysynyń orynbasaryn ustaý kezindegi vıdeo jarııalandy
QARAǴANDY. QazAqparat - Sátpaevta jergilikti polıtsııa qyzmeti bastyǵynyń orynbasary para alý arqyly jol erejesin buzǵan kólik júrgizýshisin jazadan bosatyp jibermek bolǵan dep aıyptalýda. Bul týraly «QazAqparat» HAA tilshisi habarlaıdy.
Jemqor degen kúdikke ilingen sheneýnikti ustaý boıynsha júrgizilgen arnaıy operatsııaǵa Qaraǵandy oblystyq ishki ister departamenti jeke qaýipsizdik basqarmasy men Sybaılas jemqorlyqqa qarsy is-qımyl ulttyq bıýrosy departamentiniń qyzmetkerleri jumyldyrylǵan. Kúdiktini ustaý sáti túsirilgen vıdeo áleýmettik jelige tarap ketken.
Qaraǵandy oblystyq ІІD baspasóz qyzmetiniń bastyǵy Baqytjan Qudııarov qyzmetkerge qatysty QR QK 366-baby boıynsha («Para alý») sotqa deıingi tergeý amaldary júrgizilýde.
«Sybaılas jemqorlyqqa qarsy is-qımyl ulttyq bıýrosy departamentiniń qyzmetkerleri oblystyq ІІD jeke qaýipsizdik basqarmasynyń qyzmetkerlerimen birlese azamatty ákimshilik quqyqbuzýshylyq úshin jaýapqa tartpaý jáne aqshalaı para alý isteri boıynsha Sátpaev qalalyq ІІB jergilikti polıtsııa qyzmeti bastyǵynyń orynbasaryn ustady. Kúdiktige qatysty sotqa deıingi tergeý amaldary júrgizilýde», - dep habar beredi oblystyq ІІD baspasóz qyzmetiniń bastyǵy Baqytjan Qudııarov.
