Sátpaev qalasynyń ortalyq kóshesinde jol erejesin óreskel buzǵandar jazalandy

SÁTPAEV. KAZINFORM — Tártip saqshylary áleýmettik jelide monıtorıng júrgizý barysynda Sátbaev qalasynyń ortalyq kóshesinde jol erejesin óreskel buzǵandar týraly beınejazbany anyqtady. 

Vıdeodan ortalyq kóshede túngi saǵat 4:00 shamasynda BMW jáne Mercedes avtokólik ıeleriniń jol erejesin óreskel buzǵanyn kórýge bolady. Olar jol erejesin saqtamaı, avarııalyq jaǵdaı týǵyzǵan.

Polıtsııa qyzmetkerleri Sátbaev qalasynyń 20-25 jastaǵy eki turǵynyn taýyp, ákimshilik jaýapqa tartty. Kólikter aıypturaqqa qoıyldy.

Avtokólik júrgizýshilerine jol erejesin óreskel buzǵany jáne jolda avarııalyq jaǵdaı týǵyzǵany úshin ákimshilik hattama toltyrylyp, is sotqa joldandy.