Sátpaev ákimdiginde oryn alǵan janjalǵa qatysty úshinshi adam bes táýlikke tutqyndaldy
QARAǴANDY. QazAqparat - Sátpaev ákimdiginde janjal shyǵarǵan úshinshi zań buzýshy bes táýlikke tutqyndaldy. Oqıǵa saldarynan ákimdik qyzmetkerleriniń biri túsik tastaý qaýpimen shuǵyl aýrýhanaǵa jetkizilgen, dep habarlady «QazAqparat» HAA tilshisi.
«Andreı Tsýkanov ákim orynbasary Aıgúl Tilendınanyń kabınetine shaqyrtýsyz, aldyn ala jazylmaı kirgeni anyqtaldy. Bul áreketi qoǵamdyq tártipti buzý dep tanyldy. Artynan kelgen ákimdik qyzmetkerleriniń talabyn qulaǵyna ilmegen», - dep habarlady sottan.
Aýrýhanaǵa jetkizilgen júkti áıel olardyń atynan shaǵym jazdy. «Úsh er adam da ÁQtK 434-baby 1-bóligi boıynsha aıypty dep tanylyp, bes táýlikke ákimshilik tutqynǵa alyndy», - dep habarlady Sátpaev sotynda.
Eske salsaq, 11 shildede Sátpaev qalalyq ákimdiginde ákimdik qyzmetkerleri men kelýshiler arasynda janjal shyqqan bolatyn.
