Sátqalıev Qashaǵannan 150 mlrd dollar talap etý jaıynda: Bul — kommertsııalyq daý-damaı

ASTANA. KAZINFORM — Energetıka mınıstri Almasadam Sátqalıev Qazaqstannyń Qashaǵan munaı ken ornyn ıgerýshi halyqaralyq munaı kompanııalarynan 150 mlrd dollar talap etýine qatysty pikir bildirdi.

«Bul — taza kommertsııalyq daý. Sóz ónimdi bólý týraly kelisimdi júzege asyrý aıasyndaǵy respýblıkanyń quqyqtary jaıynda bolyp otyr. Barlyq aqparat qupııa, kelisý, bekitý, sot sheshimi boıynsha resmı protsedýralar júrgizilip jatyr», — dedi mınıstr Úkimet otyrysynan keıingi brıfıngte. 

Almasadam Sátqalıevtiń atap ótýinshe, bul daýdyń jobaǵa qatysýshylardyń ınvestıtsııalyq pozıtsııasyna eshqandaı áser etpeıdi. 

«Protsedýra aıasynda kelisim júrgizilip jatyr. Ol qupııalylyq týraly tıisti kelisimge oraı shekteýli. Sondyqtan atalǵan máselege qatysty pikir bildire almaımyn. Negizgi protsedýralarǵa qatysty barlyq aqparat resmı baspasóz málimdemesimen usynylady», — dedi ol.

Esterińizge sala ketsek, bıyl sáýirde Qazaqstan Qashaǵan munaı ken ornyn ıgerýshi halyqaralyq munaı kompanııalaryna arbıtraj shaǵymyn ulǵaıtyp, joǵalǵan paıdanyń ornyn toltyrýdy talap etti.

Buǵan deıin el úkimeti shamamen 16,5 mıllıard dollardy óndirip almaqshy bolǵan edi.

Keıin soma kúrt ózgerip, 138 mıllıard dollarǵa artty.