Sátqalıev: AES-ke qajet sý — Balqashtyń býlanatyn sýynyń 0,3 paıyzy ǵana

ASTANA. KAZINFORM — Atom elektr stansasyna qajetti sý kólemi Balqashtyń býlanatyn sýynyń 0,3 paıyzyn ǵana quraıdy. Bul týraly búgin Aqmola oblysynyń jastarymen kezdesken Energetıka mınıstri Almasadam Sátqalıev aıtty.

«Qazirgi ýaqyttaǵy zamanaýı atom reaktory sýdy kez kelgen elektr stansasy sııaqty tutynady. ıAǵnı, Balqash kóli sýynyń jalpy býlanýynyń 0,3 paıyzy ǵana ekenin eseptep shyǵardyq. Demek, mólsheri bolmashy ǵana. Munyń ústine reaktordyń, jalpy stansanyń ashyq sý aıdynymen tikeleı túıisýi bolmaıdy. Sý salqyndatqysh toǵandy tek tolyqtyryp otyrý úshin ǵana qoldanylady. ıAǵnı, zamanaýı stansalarda sý bir baǵytqa ǵana aǵady. Onda jabyq kontýr bar. Qazirgi zamanǵy reaktorlarda búkil sý aınalmaly sanalady», — dedi ol.

Sonymen qatar mınıstrdiń aıtýynsha, AES-ke qoldanylatyn otyn qaıta óńdeledi.

«Kóptegen el ıadrolyq otyndy ózderimen birge alyp ketedi. ıAǵnı, vendorlar ony bizde qaldyrmaıdy. Sharttyń biri ıadrolyq otyndy ózderimen alyp ketýge baılanysty. Al qaldyratyn elder tıisti saqtaýdy qamtamasyz etedi. Bul stansany salý qunynyń ishine kiredi. Jáne biz ony keıinnen qalaýymyzǵa qaraı qaıtadan óńdep, qosymsha tabys taba alamyz», — dedi Almasadam Sátqalıev.